REVEALED! ‘सडक 2’मध्ये आलिया भट साकारणार ही खास भूमिका!! 

‘सडक 2’मध्ये पापांसोबत काम करायला मिळणार म्हणून आलिया कमालीची उत्सुक आहेत. या उत्सुकतेमागे आणखी एक खास कारण आहे. ते म्हणजे, आलियाची या चित्रपटातील भूमिका.

ठळक मुद्दे‘सडक 2’ या चित्रपटात आलियाशिवाय आदित्य राय कपूर, संजय दत्त, पूजा भट असे अनेक कलाकार दमदार भूमिकेत दिसणार आहे.

‘कलंक’च्या अपयशानंतर आलिया भट लवकरच ‘सडक 2’चे शूटींग सुरु करतेय. आलियाचे पापा महेश भट ‘सडक 2’ दिग्दर्शित करणार आहेत.   २० वर्षांपूर्वी महेश भट्ट यांनी दिग्दर्शन सोडले होते. आता तब्बल दोन दशकानंतर ते पुन्हा एकदा दिग्दर्शनाच्या क्षेत्रात वापसी करताहेत.  खास बाब म्हणजे, या चित्रपटात ते पहिल्यांदा आपल्या मुलीला म्हणजे आलियाला डायरेक्ट करणार आहेत. साहजिकच, पापांसोबत काम करायला मिळणार म्हणून आलिया कमालीची उत्सुक आहेत. या उत्सुकतेमागे आणखी एक खास कारण आहे. ते म्हणजे, आलियाची या चित्रपटातील भूमिका.

होय, ताज्या बातमीनुसार, ‘सडक 2’मध्ये आलियाची भूमिका खास असणार आहे. या चित्रपटात ती एका भोंदू बाबाविरोधात लढताना दिसणार आहे. या भोंदू बाबाची भोंदुगिरी उघड करण्याचे काम आलिया करणार आहे. या लढाईत संजय दत्त तिची मदत करताना दिसणार आहे.

‘सडक 2’ या चित्रपटात आलियाशिवाय आदित्य राय कपूर, संजय दत्त, पूजा भट असे अनेक कलाकार दमदार भूमिकेत दिसणार आहे. १९९१ मध्ये ‘सडक’ हा चित्रपट आला होता. हा चित्रपट प्रचंड गाजला होता. यातील चार्टबस्टर म्युझिक लोकांनी चांगलेच डोक्यावर घेतले होते. या चित्रपटाने संजय दत्त रातोरात स्टार झाला होता. यात पूजा भट व संजय दत्त मुख्य भूमिकेत दिसले होते. या चित्रपटात संजय दत्त एका वेश्याव्यवसायात ढकलण्यात येत असलेल्या मुलीच्या प्रेमात पडतो आणि यानंतर दलालांपासून तिला वाचवतो, असे दाखवले गेले होते. हीच कथा पुढे नेत ‘सडक2’मध्ये संजय दत्त व त्याच्या मुलीची भूमिका दाखवली जाणार असल्याचे कळतेय. यात पूजा भट फ्लॅशबॅकमध्ये दिसणार आहे.