मराठी चित्रपटसृष्टीतील प्रसिद्ध अभिनेत्री स्मिता तांबेने चाहत्यांना आनंदाची बातमी दिली आहे. स्मिता तांबेच्या घरी चिमुकल्या पाहुणीचे आगमन झाले आहे. स्मिताने आपल्या लेकीची पहिली झलक सोशल मीडिया इंस्टाग्रामवर शेअर केली आहे.
स्मिता तांबेने इंस्टाग्रामवर तिचा पती आणि लेकीसोबतचा फोटो शेअर केला आहे. सूर्यफुला तुझ्यासमोर काहीच महत्त्वाचे नाही. पालक म्हणून आमची निवड केल्याबद्दल आम्ही तुझे आभारी आहोत. माझे प्रेम. या फोटोवर चाहते आणि कलाकार शुभेच्छांचा वर्षाव करत आहेत.
स्मिताची मैत्रीण-कोरिओग्राफर फुलवा खामकर हिने एक खास व्हिडीओ शेअर करत ही स्मिताची गोड बातमी सगळ्या चाहत्यांना सांगितली होती.
या खास प्रसंगी मैत्रिणींनी मिळून स्मिताला फुलांच्या दागिन्यांनी सजवले होते. गाणी म्हणत या मैत्रिणींनी स्मिता ‘कुणीतरी येणार येणार गं’ या गाण्यावर सगळ्याजणींनी ठेका धरला होता. तसेच स्मिताचा नवरा धिरेंद्र यांनीही या सोहळ्यात डान्स केला. स्मिताच्या डोहाळे जेवणाचा हा गोड व्हिडीओ सोशल मीडियावर चर्चेत आला होता.