आमिर खानची अरिजीत सिंहसाठी पोस्ट, निवृत्तीच्या निर्णयानंतरही घेतलेली भेट; कारण आलं समोर

आमिर आणि अरिजीतच्या भेटीचं नक्की कारण काय होतं हे आता समोर आलं आहे.

प्रसिद्ध गायक अरिजीत सिंहने काही दिवसांपूर्वीच पार्श्वगायनातून निवृत्ती घेतली. त्याच्या या निर्णयाने सर्वांना विशेषत: चाहत्यांना धक्काच बसला. त्याच्या या निर्णयानंतर दोनच दिवसात अभिनेता आमिर खआन अरिजीतच्या पश्चिम बंगालमधील घरी पोहोचला होता. तिथे तो अरिजीत आणि कुटुंबासोबत ४ दिवस राहिला. अरिजीतच्या कुटुंबासोबत आमिरने मस्त वेळ घालवला. गच्चीवर पतंग उडवण्याचा आनंद लुटला तर कधी चेस खेळला. मात्र आमिर आणि अरिजीतच्या भेटीचं नक्की कारण काय होतं हे आता समोर आलं आहे.

आमिर खान प्रोडक्शन्सने इन्स्टाग्रामवर अरिजीतसोबतचा फोटो शेअर केला आहे. त्यावर लिहिले की, 'आमच्या एक दिन सिनेमासाठी आवाज दिल्याबद्दल अरिजीत तुझे खूप आभार. तुझ्यासोबत, तुझ्या कुटुंबासोबत आणि टीमसोबत घालवलेले चार दिवस खरोखर जादुई होते. खूप प्रेम.'

आमिर खानची निर्मिती असलेला 'एक दिन' सिनेमा लवकरच रिलीज होणार आहे. यामध्ये त्याचाच मुलगा जुनैद खान असणार आहे. तर अभिनेत्री साउथ अभिनेत्रीसोबत त्याची जोडी जमली आहे. साई पल्लवीचा हा पहिला हिंदी सिनेमा असणार आहे.  अरिजीतच्या काही शेवटच्या कमिटमेंट्सपैकी ही एक असणार आहे ज्यात तो पार्श्वगायन करणार आहे. 'एक दिन' सिनेमा १ मे रोजी रिलीज होणार आहे.