Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

Maharashtra Assembly Vidhan Sabha Election 2024 Exit Polls: यंदा महाराष्ट्र विधानसभा निवडणूक अनेक कारणांमुळे चांगलीच गाजल्याचे पाहायला मिळाले. मतदानाची प्रक्रिया पार पडली असून, आता संपूर्ण राजकीय वर्तुळाचे लक्ष २३ नोव्हेंबर रोजी लागणाऱ्या निकालांकडे लागले आहे. मतदान संपताच एकामागोमाग एक असे जवळपास १० एक्झिट पोलचे अंदाज आले. यात बहुतांश एक्झिट पोलमध्ये भाजपाच्या नेतृत्वातील महायुतीचे सरकार येत असल्याचा अंदाज व्यक्त केला आहे. यानंतर आता अॅक्सिस माय इंडियाचा एक्झिट पोल आला आहे. यामध्ये महाराष्ट्राचा पुढचा मुख्यमंत्री म्हणून कोणाला जनतेने पसंती दिली आहे, याबाबतचा एक सर्व्हे समोर आणला आहे. १०७ जागांसह भाजपा सर्वांत मोठा पक्ष, महाविकास आघाडीला १०२ जागा; नवीन Exit Pollचा अंदाजअॅक्सिस माय इंडियाच्या एक्झिट पोलनुसार, महायुतीला १७८ ते २०० जागा मिळू शकतील. तर महाविकास आघाडीला ८२ ते १०२ जागा मिळतील. तर अन्य आणि अपक्षांना ०६ ते १२ जागा मिळतील, अशी शक्यता वर्तवण्यात आली आहे. तसेच यामध्ये भाजपाला ९८ ते १०७ जागा मिळतील, असा अंदाज व्यक्त करण्यात आला आहे. तर शिवसेना शिंदे गटाला ५३ ते ५८ जागा, अजित पवारांच्या राष्ट्रवादी काँग्रेसला २५ ते ३० जागा आणि महायुतीतील अन्य घटक पक्षांना २ ते ५ जागा मिळतील, असा अंदाज यात देण्यात आला आहे. महाविकास आघाडीचा विचार केल्यास काँग्रेस मोठा पक्ष ठरेल. काँग्रेसला २८ ते ३६ जागा, शिवसेना ठाकरे गटाला २६ ते ३२ जागा, शरद पवारांच्या राष्ट्रवादी काँग्रेसला २६ ते ३० जागा आणि मविआतील अन्य पक्षांना २ ते ४ जागा मिळतील, अशी शक्यता वर्तवण्यात आली आहे.Exit Poll: दोन्ही NCP तुल्यबल; एकनाथ शिंदेच ठरणार वरचढ, उद्धव ठाकरेंना किती जागा मिळणार?CM म्हणून शिंदेंना मोठी पसंती, उद्धव ठाकरेंना किती मतेअॅक्सिस माय इंडियाच्या एक्झिट पोलनुसार, एकनाथ शिंदे यांना मुख्यमंत्री म्हणून सर्वाधिक मते मिळाली आहेत. एकनाथ शिंदे यांना ३१ टक्के जनतेने पुढचा मुख्यमंत्रीपदाचा चेहरा म्हणून किंवा तेच मुख्यमंत्री असावेत, यासाठी कौल दिला आहे. तर, १८ टक्के जनतेने उद्धव ठाकरे मुख्यमंत्री असावेत, असे म्हटले आहे. उद्धव ठाकरे या यादीत दुसऱ्या क्रमांकाचे नेते ठरले आहेत. त्यानंतर देवेंद्र फडणवीस यांना पुन्हा मुख्यमंत्री म्हणून १२ टक्के जनतेने पसंती दिलेली आहे. त्यानंतर काँग्रेसमधील कोणताही नेता मुख्यमंत्री म्हणून चालेल, असे मत असणाऱ्यांची संख्या १० टक्के आहे. तर, भाजपामधून अन्य कुणीही मुख्यमंत्री झालेला चालू शकेल, असे ५ टक्के जनतेला वाटते. तसेच मुख्यमंत्री म्हणून शरद पवार यांना ५ टक्के, नितीन गडकरी यांना २ टक्के, अजित पवार यांना २ टक्के, नाना पटोले यांना २ टक्के, पृथ्वीराज चव्हाण यांना एक टक्का, जयंत पाटील यांना एक टक्का मते देण्यात आलेली आहे. दरम्यान, वंचित बहुजन आघाडीचे नेते प्रकाश आंबेडकर यांना मुख्यमंत्री पदाचा चेहरा म्हणून ३ टक्के लोकांनी पसंती दिली आहे. तर मनसे अध्यक्ष राज ठाकरे यांना २ टक्के जनतेने मुख्यमंत्री म्हणून पसंती दिली आहे. तसेच अन्य किंवा सांगता येत नाही, असे म्हणणाऱ्यांची संख्या ६ टक्के असल्याचे अॅक्सिस माय इंडिया एक्झिट पोलमध्ये सांगण्यात आले आहे.

Maharashtra Assembly Election 2024 - News

महाराष्ट्र :Maharashtra Vidhan Sabha: आतापर्यंत कोणत्या पक्षाचा स्ट्राइक रेट राहिला सर्वाधिक?

Maharashtra Vidhan Sabha Election Results: १९६२ पासून काँग्रेसचा महाराष्ट्रातील विधानसभा निवडणुकीतील आलेख सतत वर-खाली राहिला आहे. ...

महाराष्ट्र :स्ट्राँग रूमवर तिसऱ्या डोळ्याचे लक्ष; मुंबई, ठाणे, रायगड, पालघरमध्ये मतदानयंत्रे कडेकोट बंदोबस्तात

मुंबई :मुंबईत कोणत्या शिवसेनेसाठी मतटक्का वाढला?

शिवसेना पक्षाच्या फुटीनंतर झालेल्या लोकसभेच्या निवडणुकीत शिंदेसेनेला केवळ एक जागा राखता आली. ...

महाराष्ट्र :सत्ता आमचीच! सत्ताधारी महायुती आणि विरोधी मविआच्या नेत्यांचे दावे

महाराष्ट्र :सत्ता स्थापनेच्या संभाव्य शक्यतांवर खलबते सुरू; निवडून येऊ शकणाऱ्या अपक्षांबाबतही चर्चा

आमचेच सरकार येणार, महायुती व मविआ दोघांनाही ठाम विश्वास; आणखी २ एक्झिट पोलचा कौल महायुतीच्या बाजूने ...

नागपूर :लाडकी बहीण झाली जागरूक; नागपुरात महिलांच्या मतदानात आठ टक्क्यांनी वाढ

दक्षिण, मध्य, उत्तरमध्ये घसघशीत वाढ : लाडक्या बहिणींचा महायुतीला कौल की महाविकास आघाडीला फायदा? ...

महाराष्ट्र :“नाना पटोलेंनी मुख्यमंत्री होणार असे कुठेही म्हटले नाही”; विजय वडेट्टीवार स्पष्टच बोलले

महाराष्ट्र :CM म्हणून शिंदेंना मोठी पसंती, उद्धव ठाकरेंना किती मते; फडणवीस-राज ठाकरेंना किती टक्के कौल?