Maharashtra Vidhan Sabha Election 2024 | Maharashtra Assembly Election 2024 | Assembly Election 2024 Live Updates | Maharashtra Vidhan Sabha, Assembly Election 2024 Result | महाराष्ट्र विधानसभा निवडणूक 2024

Maharashtra Assembly Vidhan Sabha Election 2024: विधानसभा निवडणुकीची रणधुमाळी सुरू आहे. महाराष्ट्र विधानसभा निवडणुकीसाठी २० नोव्हेंबर रोजी मतदान होणार आहे तर २३ नोव्हेंबर रोजी महाराष्ट्र विधानसभेचा निवडणुकीचा निकाल लागणार आहे. विरारमधील हॉटेल विवांतामध्ये बहुजन विकास आघाडी आणि भाजपामध्ये मोठा राडा पाहायला मिळाला. विनोद तावडे पैसे वाटण्यासाठी आले होते, असा मोठा आरोप बविआने केला. तर या हॉटेलमधून १० लाखांची रोख मिळाली आहे. तसेच अनेक डायऱ्या मिळाल्या आहेत, ज्यात व्यवहाराच्या नोंदी सापडल्याचा दावा स्थानिक आमदार क्षितिज ठाकूर यांनी केला आहे. तब्बल चार तासांनी विनोद तावडे , राजन नाईक, हितेंद्र ठाकूर आणि क्षितिज ठाकूर एकाच कारमधून बसून बाहेर पडले. या प्रकरणी आता काँग्रेसकडून खोचक टीका करण्यात आली आहे. विनोद तावडे हॉटेलमध्ये असून, पैसे वाटप करत असल्याची बातमी पसरताच ठाकूर यांच्या कार्यकर्त्यांनी हॉटेलला घेराव घातला. हॉटेलमधील एका रुममधून ९ लाख रुपयांची रोकड जप्त करण्यात आली. तसेच एक डायरीही सापडली. ही डायरी विनोद तावडे यांचीच असून त्यामध्ये १५ कोटी रुपयांचा उल्लेख असल्याचा आरोप बविआचे नेते क्षितीज ठाकूर यांनी केला आहे. यातच काँग्रेस प्रवक्ते अनंत गाडगीळ यांनी खोचक टीका केली आहे. ‘ना मै खाउंगा ना किसीको खाने दूंगा’ अशी घोषणा करणाऱ्या पंतप्रधान मोदी यांच्या भाजपाचे राष्ट्रीय सरचिटणीस विनोद तावडे यांना विरार येथे पैसे वाटताना पकडण्याची बातमी ऐकताच फडणवीस यांनी ‘लाडका विनोद’ अशी काही योजना सुरू केली आहे का, अशी खोचक प्रतिक्रिया गाडगीळ यांनी दिली. सन १९८७ साली दिवंगत शिवसेनाप्रमुख बाळासाहेब ठाकरे व रमेश प्रभू यांना धर्माचा प्रचारात वापर केल्याबद्दल निवडणूक आयोगाने त्यांचा मतदानाचा अधिकार ६ वर्षाकरिता काढून घेतला होता. तसा विनोद तावडे यांचा अधिकार काढून घेत निष्पक्ष असल्याचे निवडणूक आयोग दाखवून देणार की हे प्रकरणही वॅाशिंग मशीनमधे घालून क्लीन चिट देणार? असा प्रश्न गाडगीळ यांनी उपस्थित केला आहे. माजी पंतप्रधान दिवंगत अटल बिहारी वाजपेयी, शामाप्रसाद मुखर्जी , दीनदयाल उपाध्याय यांची परंपरा असलेल्या भाजपाला सध्याच्या महाराष्ट्रातील नेत्यांनी ‘चिक्की पासून नाचक्की’ची सुरुवात करत ‘कुठे नेवून ठेवला आहे हा भाजपा’, असे आता त्यांचेच कार्यकर्ते बोलू लागले आहेत, या शब्दांत अनंत गाडगीळ यांनी निशाणा साधला.दरम्यान, या संदर्भात निवडणूक आयोगाने लोकप्रतिनिधी कायद्याअंतर्गत एफआयआर दाखल केला आहे. तावडे यांच्यासह भाजपा उमेदवार राजन नाईक यांच्यावर एफआयआर दाखल करण्यात आला आहे. तसेच विनोद तावडे ५ कोटी घेऊन येत आहेत, हे भाजपावाल्यांनीच मला सांगितले. मला वाटले की, विनोद तावडे राजकीय नेते आहे, हे असे छोटे काम करणार नाही. मात्र आमचे कार्यकर्ते या ठिकाणी आले तेव्हा ते हॉटेलमध्ये पैसे वाटत होते. विनोद तावडे मला सारखे फोन करत होते. मला सोडवा, माझी चूक झाली, मला सोडवा, अशी विनंती विनोद तावडे करत होते. विनोद तावडे यांनी मला २५ फोन केले, असा दावा हितेंद्र ठाकूर यांनी केला.

Maharashtra Assembly Election 2024 - News

महाराष्ट्र :"विरोधकांसाठी 'ही रात्र शेवटची, ही ...", महाराष्ट्रात 'कॅश फॉर व्होट'वर भाजपची प्रतिक्रिया

Maharashtra Vidhan Sabha Election 2024 : विरारमध्ये आज भाजपा नेते विनोद तावडे यांनी पैसे वाटल्याचा आरोप बविआने केला. ...

पुणे :Maharashtra Assembly Election 2024: आपला आमदार काेण हाेणार! मतदार फैसला करणार, प्रशासनही सज्ज

महाराष्ट्र :त्या हॉटेलात महिला, कोपऱ्या कोपऱ्यात लपलेल्या; क्षितीज ठाकुरांचे खळबळजनक आरोप

मुंबई :"तुमची बायको सूनेला..."; शिवसेनेची सासू म्हणणाऱ्या राज ठाकरेंना पेडणेकरांचे प्रत्युत्तर

शिवडीतल्या सभेत राज ठाकरे यांनी केलेल्या टीकेला किशोरी पेडणेकर यांनी प्रत्युत्तर दिलं आहे. ...

महाराष्ट्र :राज्यातील 'हे' ३१ उमेदवार स्वतःला मत देऊ शकणार नाहीत! नक्की काय आहे प्रकरण?... वाचा

यंदाच्या विधानसभा निवडणुकीत ३१ असे महत्त्वाचे उमेदवार आहेत जे स्वत:साठी मतदान करू शकणार नाहीत. ...

महाराष्ट्र :"मला गोळ्या झाडा, मी मरणार नाही, तुम्हाला ..."; हल्ल्यानंतर अनिल देशमुखांची पहिली प्रतिक्रिया

Maharashtra Vidhan Sabha Election 2024 : माजी मंत्री अनिल देशमुख यांच्यावर काल हल्ला झाला. ...

महाराष्ट्र :विनोद तावडे ठाकुरांच्याच कारमधून एकत्र का गेले? हितेंद्र ठाकुरांनी सगळे सांगितले...

महाराष्ट्र :“विनोद तावडेंवर कारवाई करत निष्पक्ष असल्याचे निवडणूक आयोग दाखवणार का?”; काँग्रेसचा सवाल