पवन देशपांडे
लोकमत न्यूज नेटवर्क
मुंबई : जागतिक मागणीत वाढ व डॉलर कमकुवत झाल्याने सोमवारी चांदीच्या किमतीत ७ हजारांनी वाढ होत ती प्रतिकिलो दीड लाख रुपयांच्या विक्रमी पातळीवर पोहोचली. सोन्यात १,५०० रुपयांची वाढ होत ते प्रति १० ग्रॅम १,१९,५०० रुपयांच्या उच्चाकांवर पोहोचले. यामुळे सोने-चांदी आवाक्याबाहेर गेली आहे. मात्र, ज्यांनी सोने-चांदीत गुंतवणूक केली आहे, त्यांना गेल्या ९ महिन्यांत ५६% ते ७५% परतावा मिळाला आहे.
चांदीत ७४.६% परतावा
जानेवारीत प्रतिकिलो चांदीची किंमत ८५,९१३ रुपये होती. सप्टेंबरअखेर ती झेपावत १,५०,००० रुपयांवर पोहोचली. म्हणजेच चांदीने गुंतवणूकदारांना जवळपास ७५% परतावा दिला आहे.
किंमत का वाढतेय?
जागतिक मागणी वाढणे I डॉलर कमकुवत होणे I जागतिक तणाव I आर्थिक अनिश्चितता I सुरक्षित गुंतवणूक म्हणून सोन्या-चांदीकडे कल