देशातील असंघटित कामगारवर्ग हळूहळू संघटित क्षेत्रात प्रवेश करत असून यात तरुण आणि महिलांची मोठी भर पडत आहे. कर्मचारी भविष्य निधी संघटनेत (ईपीएफओ) २०२४-२५ मध्ये आतापर्यंतचे सर्वाधिक नवे सदस्य सामील झाले आहेत. ही वाढ प्रामुख्याने तरुणांच्या सहभागामुळे झाली.
मागील आर्थिक वर्षात १.३९ कोटी नवे सदस्य ईपीएफओमध्ये सामील झाले, जे २०१८-१९ मधील ६१ लाखांच्या तुलनेत दुप्पटपेक्षा अधिक आहे.
सर्वाधिक रोजगार कुठे?
बँकिंग-फायनान्स, विमा, रिटेल, उत्पादन आणि दूरसंचार या क्षेत्रांनी रोजगारनिर्मितीत आघाडी घेतली आहे. मागील चार वर्षांत उत्पादन क्षेत्रातील नोकऱ्या वार्षिक ३२ टक्क्यांनी वाढल्या, हा सर्वांत वेगवान दर ठरला. वेतनाच्या बाबतीत बँकिंग-फायनान्स, विमा क्षेत्रात सरासरी मासिक पगार २८,५०० रुपये, तर रिटेलमध्ये २३,००० रुपये आहे.