लोकमत न्यूज नेटवर्क, नवी दिल्ली : पॅन कार्डसंबंधी नियमांमध्ये १ एप्रिल २०२६ पासून मोठे बदल होणार आहेत. आधार वापरून पॅन तयार करण्याची सोपी प्रक्रिया आता बंद होणार असून यासाठी आता अधिक कागदपत्रांची आवश्यकता असेल.
१ एप्रिलपासून जुने अर्ज स्वीकारले जाणार नाहीत. पॅनकार्डवरील नाव आधारमधील नावाप्रमाणेच असेल. वेगळे नाव देण्याचा पर्याय उपलब्ध नसेल. नवीन नियमांनुसार, पॅन अर्जासाठी जन्म प्रमाणपत्र, मतदार ओळखपत्र, पासपोर्ट, वाहन चालविण्याचा परवाना किंवा शालांत प्रमाणपत्र प्रमाणपत्र यांसारखी कागदपत्रे आवश्यक असतील.