Bank Holidays November 2025: नोव्हेंबर महिन्यात जर तुम्हाला बँकेचं काही महत्त्वाचं काम असेल, तर आत्ताच नियोजन करा. या महिन्यात जास्त सुट्ट्या नाहीत, पण काही खास दिवस आहेत जेव्हा बँका बंद राहतील. ऑक्टोबरमध्ये सुट्ट्यांची रेलचेल होती, तशी नोव्हेंबरमध्ये नाही.
संपूर्ण महिन्यात ९ ते १० दिवस बँका बंद राहू शकतात. यामध्ये रविवार आणि दुसरा-चौथा शनिवारची सुट्टी संपूर्ण देशात असेलच, त्यासोबतच काही खास सणांमुळेही काही ठिकाणी बँका बंद राहतील. डिजिटल बँकिंग आणि ऑनलाइन सुविधा या सुट्ट्यांमध्येही सुरू राहतील, त्यामुळे काळजी करण्याचं कारण नाही.
LIC ची ‘ही’ स्कीम गुंतवणूकदारांना बनवेल कोट्यधीश!; ४ वर्षापर्यंत भरा प्रीमिअम, मिळतील १ कोटी
नोव्हेंबरमध्ये कोणत्या दिवशी बँका बंद राहतील?
- नोव्हेंबरमधील पहिली बँक सुट्टी ५ नोव्हेंबरला आहे. या दिवशी गुरु नानक जयंती आणि कार्तिक पौर्णिमा आहे. या दिवशी संपूर्ण देशात बँका बंद राहतील.
- याशिवाय, १ नोव्हेंबरला बंगळुरुमध्ये कन्नड राजोत्सव आणि देहरादूनमध्ये इगास-बग्वाल मुळे बँका बंद राहतील.
- त्यानंतर ७ नोव्हेंबरला शिलाँगमध्ये वंगाला महोत्सव असल्यामुळे तेथील बँका बंद राहतील.
- ८ नोव्हेंबरला दुसरा शनिवार आहे, त्यामुळे संपूर्ण देशात सुट्टी असेल, पण बंगळूरुमध्ये कनकदास जयंती देखील आहे, त्यामुळे तेथेही बँका बंद राहतील.
- याव्यतिरिक्त, २, ९, १६, २३ आणि ३० नोव्हेंबरला रविवार असल्यामुळे संपूर्ण देशात बँका बंद राहतील.
- २२ नोव्हेंबरला चौथा शनिवार आहे, त्यामुळे त्या दिवशीही सुट्टी राहील. एकूणच, संपूर्ण महिन्यात ९ ते १० दिवस बँका बंद राहू शकतात.
डिजिटल बँकिंगचा वापर करा
या सुट्ट्यांचा परिणाम तुमच्या बँकेच्या कामावर होऊ शकतो. तुम्हाला चेक जमा करायचा असेल, पासबुक अपडेट करायचे असेल किंवा रोख रकमेचे काही काम असेल, तर हे शाखेत होऊ शकणार नाही. परंतु, ऑनलाइन बँकिंग, मोबाइल ॲप आणि एटीएम नेहमीप्रमाणे काम करतील. जर तुमचं कोणतंही महत्त्वाचं काम जसे की कर्जाचा हप्ता, ठेवी किंवा गुंतवणुकीची मॅच्युरिटी सुट्टीच्या दिवशी येत असेल, तर हे काम पुढील कामकाजाच्या दिवशी होईल. भारतीय रिझर्व्ह बँकेच्या नियमांनुसार, सुट्टीच्या दिवशी कोणताही मोठा व्यवहार होत नाही. त्यामुळे तुमचं आवश्यक काम सुट्टीच्या एक-दोन दिवस आधीच पूर्ण करणं चांगलं राहील.
चांगली गोष्ट ही आहे की डिजिटल बँकिंगमुळे तुम्हाला जास्त त्रास घेण्याची गरज नाही. मोबाइल ॲप, नेट बँकिंग आणि एटीएम वापरून तुम्ही पैसे ट्रान्सफर करू शकता, बिल भरू शकता किंवा इतर कामं करू शकता. या सुविधा २४ तास चालतात. परंतु, तुम्हाला शाखेत जावंच लागणार असेल, जसं की मोठा चेक जमा करणं किंवा कर्जाशी संबंधित कागदपत्रांचं काम, तर आधीच योजना करा. सुट्ट्यांची यादी पाहून कोणता दिवस तुमच्यासाठी योग्य असेल हे ठरवा.नोव्हेंबरमध्ये सुट्ट्या कमी आहेत, पण तरीही बँकेसंबंधी काम करण्यापूर्वी ही यादी पाहून घ्या. याशिवाय, जर तुम्ही बंगळुरु, देहरादून किंवा शिलाँगमध्ये राहत असाल, तर तेथील स्थानिक सुट्ट्यांची नोंद घ्या. बाकी ठिकाणी रविवार आणि शनिवारच्या सुट्ट्याच जास्त आहेत. डिजिटल सुविधांचा वापर करा, जेणेकरून शेवटच्या क्षणी अडचण येणार नाही.