Atal Pension Yojana: आजच्या काळात नियमित बचत आणि निवृत्ती नियोजन अत्यंत आवश्यक बनलं आहे. कारण आज तुम्ही जितके कमावत आहात, भविष्यातही परिस्थिती तशीच राहील याची खात्री नसते. अशा परिस्थितीत केंद्र सरकारची अटल पेन्शन योजना (APY) सामान्य लोकांसाठी एक सुरक्षित आणि परवडणारा पर्याय म्हणून समोर आली आहे, ज्या अंतर्गत ६० वर्षांची वयोमर्यादा पूर्ण झाल्यावर दरमहा पेन्शन दिलं जातं.
काय आहे अटल पेन्शन योजना?
अटल पेन्शन योजना ही केंद्र सरकारची एक सामाजिक सुरक्षा योजना आहे, ज्याचा उद्देश असंघटित क्षेत्रातील लोकांना वृद्धापकाळात आर्थिक सुरक्षा देणे हा आहे. या योजनेत गुंतवणूकदार ६० वर्षांनंतर दरमहा ₹१,००० ते ₹५,००० पर्यंतची पेन्शन मिळवू शकतात. सर्वात खास गोष्ट म्हणजे, सरकार देखील या योजनेत काही प्रमाणात योगदान देते, ज्यामुळे गुंतवणूक अधिक सोपी आणि सुरक्षित होते.
अरे बाप रे... १ डॉलर = ₹ ९०.१३ ! भारतीय रुपयाची ऐतिहासिक घसरण; तुमच्या खिशावर कसा होईल परिणाम?
योजनेचे प्रमुख फायदे
पती-पत्नी दोघेही इच्छित असल्यास, या योजनेत संयुक्त खातं उघडून सहभागी होऊ शकतात. ६० वर्षांची वयोमर्यादा पूर्ण झाल्यानंतर दरमहा निश्चित रक्कम म्हणून पेन्शन मिळू लागते. योजनेत नियमित मासिक गुंतवणूक करणं बंधनकारक आहे. गुंतवणूकदाराचा मृत्यू झाल्यास, कुटुंबाला पेन्शन किंवा कॉर्पस रक्कम मिळते.
योजनेत कोण सहभागी होऊ शकतात?
अटल पेन्शन योजनेत सामील होण्यासाठी काही पात्रता अटी निश्चित करण्यात आल्या आहेत, त्या खालीलप्रमाणे आहेत:
फक्त भारतीय नागरिकच याचा लाभ घेऊ शकतात.
वयोमर्यादा १८ ते ४० वर्षांदरम्यान असावी.
बँक किंवा पोस्ट ऑफिसमध्ये बचत खातं असणं अनिवार्य आहे.
१ ऑक्टोबर २०२२ नंतर आयकर भरणारे लोक या योजनेत सहभागी होऊ शकत नाहीत.
गुंतवणुकीची रक्कम आणि मिळणारी पेन्शन
या योजनेत मिळणारी पेन्शन तुम्ही दरमहा जमा केलेल्या रकमेवर अवलंबून असते. वयानुसार गुंतवणुकीची रक्कम वेगवेगळी असते. उदाहरणार्थ, जर १८ वर्षांची एखादी व्यक्ती दरमहा ₹२१० गुंतवणूक करत असेल, तर त्याला ६० वर्षांची वयोमर्यादा पूर्ण झाल्यावर ₹५,००० मासिक पेन्शन मिळते. तसंच, त्याच रकमेची पेन्शन ३० वर्षांच्या व्यक्तीला मिळवण्यासाठी दरमहा ₹५७७ योगदान द्यावं लागतं.