IRCTC Special Package: जर तुम्ही देशातील पवित्र सात ज्योतिर्लिंगांना भेट देण्याचं स्वप्न पाहत असाल, तर तुमच्यासाठी एक आनंदाची बातमी आहे! आयआरसीटीसी (IRCTC) तुमच्यासाठी एक खास आणि परवडणारा टूर प्लॅन घेऊन आलं आहे. या योजनेअंतर्गत, 'भारत गौरव स्पेशल ट्रेन' ३० जून २०२५ ते ११ जुलै २०२५ पर्यंत चालवली जाईल. हा प्रवास १२ दिवस आणि ११ रात्रींचा असून, यामध्ये भारतीय रेल्वे तुम्हाला अनेक महत्त्वाच्या धार्मिक स्थळांचे दर्शन घडवणार आहे.
या तीर्थक्षेत्रांना भेट देता येईल
या टूर पॅकेजमध्ये उज्जैनमधील महाकालेश्वर ज्योतिर्लिंग, ओंकारेश्वर ज्योतिर्लिंग तसेच गुजरातमधील द्वारकाधीश, बेट द्वारका, नागेश्वर ज्योतिर्लिंग, सिग्नेचर ब्रिज, सोमनाथ ज्योतिर्लिंग, नाशिकमधील त्र्यंबकेश्वर ज्योतिर्लिंग, पंचवटी, काळाराम मंदिर, भीमाशंकर ज्योतिर्लिंग, आणि छत्रपती संभाजीनगरमधील घृष्णेश्वर ज्योतिर्लिंग या प्रमुख ठिकाणी आणि स्थानिक मंदिरांना भेट देण्याची संधी मिळेल.
या स्थानकांवरून ट्रेन उपलब्ध होईल
गोरखपूर जंक्शन, मानकापूर जंक्शन, अयोध्या कँट, सुलतानपूर, प्रतापगड, प्रयागराज संगम, रायबरेली, लखनौ, कानपूर, ओराई, झाशी, ललितपूर या स्थानकांवरून प्रवासी या भारत गौरव विशेष ट्रेनमध्ये चढू किंवा उतरू शकतील. या परिसरात राहणारे मराठी लोक या संधीचा फायदा घेऊ शकतात.
आता फक्त ८२६ रुपयांच्या EMI मध्ये प्रवास शक्य!
या ट्रिपचे पॅकेज वेगवेगळ्या श्रेणींमध्ये उपलब्ध आहे.
- कम्फर्ट श्रेणी (डिलक्स हॉटेल्समध्ये AC रूम): प्रति व्यक्ती ५३,२६० रुपये
- स्टँडर्ड क्लास (बजेट हॉटेल्समध्ये AC रूम): प्रति व्यक्ती ४०,००० रुपये
- स्लीपर क्लास (नॉन-एसी बजेट हॉटेल्समध्ये शेअरिंग): प्रति व्यक्ती २३,५०० रुपये
विशेष म्हणजे, या ट्रेनमधून प्रवास करणाऱ्या लोकांच्या सोयीसाठी, विविध बँका दरमहा फक्त ८२६ रुपयांपासून सुरू होणाऱ्या ईएमआय (EMI) पेमेंटची सुविधा देखील देत आहेत! यामुळे कमी उत्पन्न गटातील लोकही या सुविधेचा जास्तीत जास्त लाभ घेऊन आपले धार्मिक स्वप्न पूर्ण करू शकतील.
तुमची टूर कशी बुक कराल?
आयआरसीटीसी उत्तरी क्षेत्र लखनऊचे मुख्य प्रादेशिक व्यवस्थापक अजित कुमार सिन्हा यांनी माहिती दिली की, या पॅकेजचे बुकिंग 'प्रथम येणाऱ्यास प्रथम प्राधान्य' या तत्त्वावर केले जाईल. यामध्ये एलटीसी (LTC) सुविधा देखील उपलब्ध आहे.
तुम्ही तुमचे बुकिंग खालीलप्रमाणे करू शकता:
ऑनलाइन बुकिंग: आयआरसीटीसीच्या वेबसाइट www.irctctourism.com](https://www.irctctourism.com वरून थेट ऑनलाइन बुकिंग करता येते.