Maharashtra Weather Update : राज्यात निसर्गाचा विचित्र खेळ; १४ जिल्ह्यांना IMD चा 'यलो अलर्ट'

Maharashtra Weather Update : राज्यात मे महिन्यातच हवामानाने अचानक पलटी मारली आहे. कोकणात उकाड्याने नागरिक त्रस्त झाले असताना विदर्भ आणि मराठवाड्यात मेघगर्जनेसह पावसाची शक्यता निर्माण झाली आहे. IMD ने अनेक जिल्ह्यांना सतर्कतेचा इशारा दिल्याने शेतकरी आणि नागरिकांची चिंता वाढली आहे.(Maharashtra Weather Update)

Maharashtra Weather Update : राज्यात मे महिन्याच्या सुरुवातीलाच हवामानाचा विचित्र खेळ पाहायला मिळत आहे.(Maharashtra Weather Update)

एका बाजूला उन्हाचा चटका दिवसेंदिवस वाढत असताना दुसऱ्या बाजूला पूर्वमोसमी पावसासाठी पोषक वातावरण तयार झाले आहे. त्यामुळे महाराष्ट्रातील अनेक भागांमध्ये एकाच वेळी उष्णतेची लाट आणि विजांसह वादळी पावसाचा इशारा देण्यात आला आहे.(Maharashtra Weather Update)

भारतीय हवामान विभागाने (IMD) आज (१० मे) रोजी राज्यातील एकूण १४ जिल्ह्यांसाठी 'यलो अलर्ट' जारी केला आहे.(Maharashtra Weather Update)

राज्यातील हवामानातील या अचानक बदलामुळे नागरिकांसह शेतकरी वर्गाची चिंता वाढली आहे. काही भागांत तापमान ४० अंशांच्या पुढे जात असून उष्ण आणि दमट वातावरणामुळे नागरिक हैराण झाले आहेत.

तर दुसरीकडे विदर्भ आणि मराठवाड्यात ढगाळ वातावरण, विजांचा कडकडाट आणि जोरदार वाऱ्यासह हलक्या ते मध्यम स्वरूपाच्या पावसाची शक्यता वर्तविण्यात आली आहे.

कोकणात उष्णतेचा कहर

मुंबई, ठाणे, पालघर, रायगड आणि रत्नागिरी या कोकण किनारपट्टीवरील जिल्ह्यांमध्ये उष्ण आणि दमट हवामानाचा प्रभाव अधिक जाणवणार आहे. 

दिवसभर तापमानात वाढ होणार असून उकाड्यामुळे नागरिकांना त्रास सहन करावा लागू शकतो. हवामान विभागाने नागरिकांना दुपारच्या वेळेत अत्यावश्यक कामाशिवाय घराबाहेर न पडण्याचा सल्ला दिला आहे.

विशेषतः समुद्रकिनारी भागांमध्ये आर्द्रता वाढल्याने 'हीट इंडेक्स' अधिक जाणवण्याची शक्यता आहे. त्यामुळे लहान मुले, ज्येष्ठ नागरिक आणि उघड्यावर काम करणाऱ्या मजुरांनी विशेष काळजी घेण्याचे आवाहन करण्यात आले आहे.

उत्तर महाराष्ट्रात कोरडे वातावरण

उत्तर महाराष्ट्रातील जळगाव, धुळे आणि नंदुरबार जिल्ह्यांमध्ये हवामान कोरडे राहण्याचा अंदाज आहे. या भागांत पावसाची कोणतीही शक्यता नसून केवळ कडक उन्हाचा सामना नागरिकांना करावा लागणार आहे. तापमानात वाढ कायम राहिल्याने उष्माघाताचा धोका वाढण्याची शक्यता हवामान विभागाने व्यक्त केली आहे.

मराठवाड्यात मेघगर्जनेसह पावसाची शक्यता

मराठवाड्यातील लातूर, धाराशिव आणि नांदेड जिल्ह्यांमध्ये हवामानात अचानक बदल होण्याची शक्यता आहे. या भागांमध्ये विजांच्या कडकडाटासह मेघगर्जना, तसेच ताशी ४० ते ५० किलोमीटर वेगाने वारे वाहण्याचा अंदाज व्यक्त करण्यात आला आहे.

यासोबतच हलक्या ते मध्यम स्वरूपाच्या पावसाच्या सरी कोसळू शकतात. अचानक बदलणाऱ्या हवामानामुळे काढणीस आलेल्या पिकांचे नुकसान होण्याची भीती शेतकऱ्यांमध्ये व्यक्त होत आहे.

विदर्भात वादळी पावसाचा इशारा

विदर्भातील अकोला, अमरावती, नागपूर आणि यवतमाळ जिल्ह्यांमध्येही वातावरण ढगाळ राहण्याची शक्यता आहे. या भागांत विजांच्या गडगडाटासह वादळी पाऊस पडू शकतो. काही ठिकाणी जोरदार वाऱ्यामुळे झाडे कोसळणे किंवा वीजपुरवठा खंडित होण्याचाही धोका व्यक्त करण्यात आला आहे.

उन्हाळ्याच्या तडाख्यात अचानक होणारा हा हवामान बदल नागरिकांसाठी दिलासादायक असला तरी शेती आणि जनजीवनावर त्याचा परिणाम होण्याची शक्यता नाकारता येत नाही.

या जिल्ह्यांमध्येही हलक्या पावसाची शक्यता

हवामान विभागाने कोल्हापूर, बीड, सिंधुदुर्ग आणि हिंगोली या जिल्ह्यांमध्ये स्थानिक परिस्थितीनुसार हलक्या पावसाची शक्यता व्यक्त केली आहे. दुपारनंतर ढगाळ वातावरण तयार होऊन काही भागांत विजांसह सरी कोसळू शकतात.

शेतकरी आणि नागरिकांसाठी सूचना

वाढत्या तापमानामुळे उष्माघाताचा धोका वाढला असून दुसरीकडे विजांच्या कडकडाटासह होणाऱ्या अवकाळी पावसामुळे शेतीपिकांचे नुकसान होण्याची भीती निर्माण झाली आहे. प्रशासनाने नागरिकांना आणि शेतकऱ्यांना सतर्क राहण्याचे आवाहन केले आहे.

विजांचा कडकडाट सुरू असताना झाडाखाली आश्रय घेऊ नये

जनावरे सुरक्षित ठिकाणी बांधावीत

काढणीस आलेले पीक आणि शेतीमाल सुरक्षित ठेवावा

दुपारच्या उन्हात बाहेर पडताना पाणी आणि डोक्यावर संरक्षण ठेवावे

पूर्वमोसमी पावसासाठी पोषक वातावरण तयार झाल्याने पुढील २४ तासांत राज्याच्या हवामानात आणखी बदल होण्याची शक्यता हवामान विभागाने व्यक्त केली आहे.

हे ही वाचा सविस्तर : Maharashtra Weather Update : राज्यात हवामानाचा डबल अटॅक; पुढील काही तास महाराष्ट्रासाठी धोक्याचे!

अधिक वाचा : Maharashtra Weather Update : मे महिन्यातच दुहेरी संकट! 'या' भागात पाऊस, तर इथे उष्णतेचा कहर IMD चा मोठा इशारा