Maharashtra Weather Update : राज्यात मागील काही दिवसांपासून पावसाचा जोर कमी-जास्त प्रमाणात जाणवत आहे. काही भागांत पावसाने विश्रांती घेतल्याचे दिसत असला तरी हवामान खात्याने पुन्हा एकदा सतर्कतेचा इशारा दिला आहे. (Maharashtra Weather Update)
विशेषतः पश्चिम महाराष्ट्र, मराठवाडा आणि विदर्भात वादळी वाऱ्यासह पावसाची शक्यता वर्तविण्यात आली असून आज (११ सप्टेंबर) रोजी राज्यातील काही जिल्ह्यांना यलो अलर्ट जारी करण्यात आला आहे. (Maharashtra Weather Update)
विजांच्या कडकडाटासह पावसाचा इशारा दिल्यामुळे शेतकऱ्यांना आपल्या पिकांच्या सुरक्षेसाठी सज्ज राहण्याचं आवाहन करण्यात आले आहे.(Maharashtra Weather Update)
कोकण आणि मुंबई
मुंबई, ठाणे, पालघर, रायगड, रत्नागिरी आणि सिंधुदुर्ग या जिल्ह्यांत हलक्या ते मध्यम स्वरूपाचा पाऊस पडण्याची शक्यता आहे. आकाश ढगाळ राहील.
पश्चिम महाराष्ट्र
पुणे, कोल्हापूर या भागात ढगांचा गडगडाट व हलका पाऊस पडण्याची शक्यता आहे.
सातारा, सांगली, सोलापूरमध्ये वादळी वाऱ्यासह व विजांच्या कडकडाटासह पावसाची शक्यता वर्तविण्यात आली असून यलो अलर्ट जारी करण्यात आला आहे.
मराठवाडा
छत्रपती संभाजीनगर, जालना, बीड या जिल्ह्यात हलक्या स्वरूपाचा पाऊस पडण्याची शक्यता आहे.
परभणी, हिंगोली, नांदेड, लातूर, धाराशिव या जिल्ह्यात वादळी वाऱ्यासह व विजांच्या कडकडाटासह पाऊस पडण्याची शक्यता असल्याने येथे यलो अलर्ट जारी करण्यात आला आहे.
उत्तर महाराष्ट्र
धुळे, नंदुरबार, जळगाव, नाशिक आणि अहमदनगर या जिल्ह्यांत हलक्या ते मध्यम स्वरूपाचा पाऊस पडेल.
अकोला, अमरावती, बुलढाणा या जिल्ह्यात पावसाची शक्यता कमी आहे.
नागपूर, भंडारा, गोंदिया, वर्धा, वाशिम, यवतमाळ या जिल्ह्यात वादळी वाऱ्यासह पाऊस पडण्याची शक्यता वर्तविण्यात आली आहे.
चंद्रपूर, गडचिरोली या भागात विजांचा कडकडाट व मुसळधार पावसाची शक्यता असल्याने येथे यलो अलर्ट जारी करण्यात आला आहे.
शेतकऱ्यांना सल्ला
* सतत पावसामुळे फवारणीचे औषध धुवून जाण्याचा धोका असतो. त्यामुळे पाऊस नसताना किंवा ढगाळ पण कोरडे हवामान असताना फवारणी करणे अधिक फायदेशीर ठरेल, असा सल्ला देण्यात आला आहे.