Maharashtra Weather Update : राज्यात पुन्हा एकदा पावसाचे वातावरण तयार झाले असून, हवामान विभागाने कोकण, मध्य महाराष्ट्र, मराठवाडा आणि विदर्भातील काही भागांसाठी यलो अलर्ट जारी केला आहे. (Maharashtra Weather Update)
विशेषतः विदर्भात विजांच्या कडकडाटासह आणि जोरदार वाऱ्यांसह मुसळधार पावसाची शक्यता वर्तविण्यात आली आहे.(Maharashtra Weather Update)
IMD ने दिलेल्या माहितीनुसार, विदर्भात येत्या ३–४ दिवसांत पावसाचे वातावरण राहील. पश्चिम महाराष्ट्र आणि मराठवाड्यात सध्या पावसाचे प्रमाण थोडे घटले असले, तरी पुढील आठवड्यात पावसाची तीव्रता वाढण्याची शक्यता आहे. (Maharashtra Weather Update)
विशेषतः ऑगस्टच्या दुसऱ्या आठवड्यात राज्यातील अनेक भागांमध्ये पावसाचा जोर वाढेल, असे संकेत देण्यात आले आहेत.(Maharashtra Weather Update)
मुंबईसह कोकणात ढगाळ वातावरण
मुंबईसह ठाणे, पालघर आणि रायगड जिल्ह्यांमध्ये आज ढगाळ हवामान राहण्याची शक्यता असून हलक्यापासून मध्यम पावसाच्या सरी कोसळण्याची शक्यता आहे.
कोकणातील रत्नागिरी आणि सिंधुदुर्ग जिल्ह्यांत ढगांचा गडगडाट होऊन हलक्यापासून मध्यम पावसाचा इशारा हवामान खात्याने दिला आहे.
पश्चिम महाराष्ट्रात ढगाळ आकाश, विजांचा कडकडाट
पुण्यात आज बहुतांश वेळा आकाश ढगाळ राहील, तर कोल्हापूर, सातारा, सांगली आणि सोलापूर जिल्ह्यांमध्ये विजांच्या गडगडाटासह हलक्यापासून मध्यम स्वरूपाचा पाऊस होण्याचा अंदाज आहे. पश्चिम घाटमाथ्याच्या भागांमध्येही पावसाची शक्यता आहे.
मराठवाड्यात काही भागांत विजांसह पाऊस
मराठवाड्यातील छत्रपती संभाजीनगर, बीड, हिंगोली आणि जालना जिल्ह्यांत हलक्या पावसाचा अंदाज आहे. नांदेड, लातूर आणि धाराशिवमध्ये विजांच्या कडकडाटासह मध्यम स्वरूपाचा पाऊस पडण्याची शक्यता आहे.
उत्तर महाराष्ट्रातही पावसाचे संकेत
नाशिक जिल्ह्यात गडगडाटी ढगांसह हलका पाऊस होण्याची शक्यता आहे. धुळे, नंदुरबार, जळगाव आणि अहिल्यानगर जिल्ह्यांमध्येही हलक्या ते मध्यम पावसाचा अंदाज वर्तविण्यात आला आहे.
५ जिल्ह्यांवर यलो अलर्ट
विदर्भात आज हवामान अधिक सक्रिय राहणार आहे. नागपूर, भंडारा, गोंदिया, वर्धा, चंद्रपूर आणि गडचिरोली जिल्ह्यांमध्ये विजांसह मुसळधार पावसाची शक्यता आहे. हवामान विभागाने या जिल्ह्यांसाठी यलो अलर्ट जारी केला आहे.
दुसरीकडे अकोला, अमरावती, वाशिम, बुलढाणा आणि यवतमाळ जिल्ह्यांत मात्र, आज पावसाचा विशेष अंदाज वर्तविलेला नाही.
शेतकऱ्यांना सल्ला
* पावसाच्या पार्श्वभूमीवर पेरणी नंतरच्या पिकांची निगा राखा.
* ज्या भागात विजांचा इशारा आहे, तिथे विजेपासून बचावासाठी योग्य ती काळजी घ्या, असा सल्ला देण्यात आला आहे.