गंधक हे नत्र, स्फुरद अन् पालाश या मुख्य अन्नद्रव्यानंतरचे दुय्यम स्वरूपाचे अन्नद्रव्य आहे. हे पिकांच्या वाढीसाठी तसेच फळे व भाजीपाला पिकांचा रंग, आकर्षकपणा, गुणवत्ता यासाठी खूप महत्त्वाची भूमिका बजावते.
गंधक या अन्नद्रव्याची कडधान्य, गळीतधान्य, तृणधान्ये, भाजीपाला, फळभाज्या, फुलझाडे, ऊस, कापूस, केळी, द्राक्षे या पिकामध्ये गरज असते.
या पिकांसाठी वापरल्या जाणाऱ्या खतासोबत गंधक अन्नद्रव्य (सल्फर) वापरले तर १५ ते २५ टक्के उत्पादन वाढ झाल्याचे आढळून आले आहे.
अमोनियम सल्फेट चांगले खत
◼️ तेलवर्गीय पिकामध्ये व विशेषतः भुईमूग पिकामध्ये खतांचा वापर करताना यासोबत गंधक युक्त खतांची मात्रा साधारणपणे २० ते ३० किलो प्रती हेक्टरी याप्रमाणे दिली तर ते खूप फायदेशीर ठरते.
◼️ याशिवाय सुपर फॉस्फेट आणि जिप्सम हे भुईमुगासाठी अतिशय चांगल्या प्रकारची खते आहेत.
◼️ कारण, भुईमूग या पिकांमध्ये शेंग तयार होण्यासाठी कॅल्शियमची खूपच आवश्यकता असते.
◼️ गंधकाची कमतरता दूर करण्यासाठी अमोनियम सल्फेट हे देखील चांगल्या प्रकारचे खत आहे.
अधिक वाचा: राज्यातील शेत जमिनींच्या पोट हिस्स्यांची मोजणी करून नवीन नकाशे येणार; शासन निर्णय जारी