मंचर : मंचर कृषी उत्पन्न बाजार समितीत पापडी आणि वालवडच्या बाजारभावात वाढ झाली असून, वाटाणा, गवार आणि मिरची यांचे भावही तेजीत आहेत.
रविवारी बाजार समितीत एकूण १२,५६४ डाग इतकी तरकारी शेतमालाची आवक झाली. यामुळे बाजारभावात वाढ झाल्याची माहिती सभापती नीलेश स्वामी थोरात यांनी दिली.
पापडी आणि वालवड या शेतमालाला १० किलोसाठी ६८० ते ७४० रुपये असा चांगला बाजारभाव मिळाला. आंबेगाव, खेड, जुन्नर, पारनेर आणि शिरूर या भागांतून शेतकरी मोठ्या प्रमाणावर तरकारी विक्रीसाठी मंचर बाजार समितीत येत आहेत.
उपसभापती सचिन पानसरे यांनी सांगितले की, तरकारी शेतमालाची वाढती आवक आणि मागणीमुळे बाजारभावात सुधारणा झाली आहे.
शेतकऱ्यांना याचा फायदा होत असून, मंचर बाजार समिती शेतमाल विक्रीसाठी एक महत्त्वाचे केंद्र बनत आहे. आजूबाजूच्या तालुक्यातून तसेच इतर जिल्ह्यातूनही या ठिकाणी शेतकरी माल विक्रीस आणत आहेत.
तरकारी शेतमालाचे भाव
कारले (२९८) : २९५-५७० रुपये
गवार (३२०) : ३७५-७०० रुपये
घेवडा (९७) : १२०-४०० रुपये
चवळी (१७९) : २४०-४५० रुपये
ढोबळी मिरची (१५९) : २१५-४०० रुपये
भेंडी (१८९) : २१०-३७० रुपये
फरशी (३१७) : ३७५-७०० रुपये
फ्लॉवर (३,००४) : १००-२१० रुपये
भुईमूग शेंगा (४) : ५५० रुपये
दोडका (४४) : २३५-४०१ रुपये
मिरची (५५०) : ३२६-६०० रुपये
तोंडली (३५) : २४५-४११ रुपये
लिंबू (८) : ५०० रुपये
काकडी (७१५) : २५-१८० रुपये
कोबी (२,५५५) : १०-२० रुपये
वांगी (६५) : १७५-३१० रुपये
दुधी भोपळा (७४) : १४०-२६० रुपये
बीट (२,६१९) : १००-२२१ रुपये
आले (४४) : १५०-३२५ रुपये
अधिक वाचा: बंगालच्या उपसागरावर पुन्हा कमी दाबाचे क्षेत्र; गणेशोत्सवात राज्यात 'या' ठिकाणी जोरदार पाऊस