सोलापूर : मागील काही दिवसांपासून वाढलेले कांद्याचे भाव पुन्हा उतरण्यास सुरूवात झाली आहे.
शुक्रवारी कांद्याला सर्वसाधारण दर ७०० रूपये इतका मिळाला. याशिवाय किमान दर १०० तर कमाल दर १,८५० रूपये मिळाल्याचे बाजार समिती प्रशासनाने सांगितले.
दरम्यान, शुक्रवारी सोलापूर येथील श्री सिद्धेश्वर कृषी उत्पन्न बाजार समितीत ४६१ गाड्या कांद्याची आवक झाली आहे.
९२ हजार ३४४ पिशव्यांतील ४६ हजार १७२ क्विंटल कांद्यातून ३ कोटी २३ लाख २० हजार ४०० रूपयांची उलाढाल झाली आहे.
मागील काही दिवसांपासून सोलापूरच्या बाजारात कांद्याची आवक किंचित घटली आहे. भावात घसरण झाल्याने शेतकरी संकटात सापडला आहे.
पेरणी, काढणी व वाहतूक खर्च निघत नसल्याची खंत शेतकरी व्यक्त करीत आहेत. गुरूवारी ५३६, बुधवारी ५८७, मंगळवारी ६०४ गाड्या कांद्याची आवक झाल्याचे कांदा विभागाने सांगितले.
अधिक वाचा: ग्रामीण भागातील महिला गावातच राहून बनू शकतात आता लखपती; काय आहे योजना? वाचा सविस्तर