Lemon Under Bed Benefits : लिंबू हे फळ आरोग्यासाठी वरदान आहे असं म्हणायला काहीच हरकत नाही. कारण आरोग्यासंबंधी वेगवेगळ्या समस्या दूर करण्यासाठी, वजन कमी करण्यासाठी, पोटासंबंधी समस्या दूर करण्यासाठी आणि एनर्जी मिळवण्यासाठी लिंबू खूप फायदेशीर ठरतं. इतकंच नाही तर लिंबाचा उपयोग त्वचेसाठी आणि केसांसाठी देखील केला जातो. पण अनेकांना लिंबाबाबतची एक खास ट्रिक माहीत नसते. ती म्हणजे कापलेल्या लिंबावर मीठ लावून रूममध्ये ठेवणे. आता तुम्ही म्हणाल यानं काय होईल? तर तेच आज आम्ही तुम्हाला सांगणार आहोत.
लिंबावर मीठ लावून ठेवण्याचे फायदे
लिंबाचा एक तुकडा बेडजवळ ठेवल्याने शरीर आणि मनाला कितीतरी फायदे होतात. यासाठी लिंबाचा एक तुकडा कापून घ्या आणि त्यावर थोडं मीठ लावा. हा लिंबाचा तुकडा बेडच्या जवळ ठेवा. हे ऐकायला थोडं विचित्र वाटू शकतं, पण तज्ज्ञांनी दावा केला आहे की, असं केल्यानं भरपूर चांगले फायदे होतात.
नाक मोकळं होईल
अनेकांना लिंबाचा सुगंध फार आवडतो. याचा सुगंध केवळ रेफ्रिशिंग नाही तर अॅटीं-बॅक्टेरिअलही असतो. जर सर्दीमुळे तुमचं नाक बंद झालं असेल तर रात्री झोपताना बेडच्या बाजूला उशाजवळ कापलेलं लिंबू ठेवा. याने तुम्हाला चांगली झोपही येईल आणि नाकही मोकळं होईल.
तणाव होईल दूर
लिंबाच्या सुगंधाला डी-स्ट्रेसिंग मानलं जातं. कारण या सुगंधाने तणाव कमी होतो आणि आपल्या इंद्रियांना आराम मिळतो. जर तुम्हाला फार थकवा जाणवत असेल किंवा तुम्ही तणावात असाल एक लिंबाचा तुकडा तुमची ही समस्या दूर करू शकतो.वेगवेगळ्या रिसर्चमधून हे सिद्ध झालं आहे की, लिंबाचा सुगंध शरीरात सेरोटोनिन हार्मोनचं प्रमाण वाढवतं. हे सेरोटोनिन हार्मोन चांगल्या झोपेसाठी फायद्याचे असतात. त्यामुळे चांगल्या झोपेसाठी लिंबाचा असा वापर तुम्ही करूच शकता.
माश्या आणि डास पळवा
माश्या आणि डासांना लिंबाचा सुगंध आवडत नसतो. त्यामुळे माश्या आणि डासांनी हैराण झाले असाल किंवा झोपेचं खोबरं होत असेल तर झोपताना जवळ एक कापलेलं लिंबू ठेवा. त्यावर दोन तीन लवंग टोचून लावा आणि थोडं मीठ लावा. याने तुमच्याजवळ ना माश्या येतील ना डास येतील.
इन्सोमेनिया
झोप न येणं ही वेगवेगळ्या गंभीर समस्यांची सुरूवात असू शकते. जर तुम्हाला झोप न येण्याची म्हणजे इनसोमेनियाची समस्या असेल तर हा फंडा तुमच्या फायद्याचा ठरू शकतो. याने तुम्हाला चांगली झोप येऊ शकते.