होळीचा सण नुकताच मोठ्या उत्साहात साजरा झाला आहे. या दिवशी एकमेकांना रंगवून टाकण्यात काही जण एवढे दंग होऊन जातात की त्या नादात घरातल्या इतर चांगल्या कपड्यांनाही रंगाचे डाग लागतात. कुठे चुकून रंग सांडतो तर कधी बाहेरून रंग खेळून आल्यानंतर चुकून घरातल्या इतर कपड्यांना रंगाचे हात लागतात. असं काही झालं की मग त्या कपड्यांवर पडलेले रंगाचे डाग कसे काढून टाकावे हा मोठाचा प्रश्न पडतो. कारण नेहमीप्रमाणे तुम्ही रंगाचे कपडे धुतले तर डाग निघून जाण्याऐवजी जास्त पसरतात आणि कपडा खराब होतो (How to Remove Holi Colours From Clothes?). म्हणूनच हे डाग थोडे वेगळ्या पद्धतीने काढायला हवे. त्यासाठी नेमकं काय करायचं ते पाहूया...(cleaning tips to wash holi colours from clothes)
चांगल्या कपड्यांवर पडलेले होळीच्या रंगांचे डाग कसे काढावे?
१. ब्लिचिंग पावडर
ज्या कपड्यावर डाग पडला आहे तो कपडा आधी इतर कपड्यांतून वेगळा काढा. कारण रंगाचे डाग इतर कपड्यांनाही लागू शकतात. ज्या भागात रंग लागला आहे, तो भाग गरम पाण्यात एखादा तास भिजत ठेवा.
थुलथुलीत शरीर बदलेल रूप होईल सडपातळ- 'या' पद्धतीने रोज ब्लॅक कॉफी प्या, पाहा तुमचा मेकओव्हर
यानंतर एका बादलीमध्ये ब्लिचिंग पावडर आणि बेकिंग सोडा एकत्र करा. आता या पाण्यात डाग पडलेले कपडे एखादा तास भिजवून ठेवा. यानंतर कपडे धुण्याचा ब्रश घेऊन तो हलकेच कपड्यांवर घासा. डाग निघून जातील.
२. लिंबाचा रस
कपड्यांवर पडलेले रंगाचे डाग काढण्यासाठी लिंबाच्या रसाचाही वापर करता येतो. हा उपाय करण्यासाठीही डाग पडलेले कपडे अर्ध्या तासासाठी गरम पाण्यात भिजत ठेवा. यानंतर कपडे पाण्यातून बाहेर काढा.
उन्हाळ्यात घरभर पालीच्या पिलांचा सुळसुळाट, २ उपाय- एकही पाल घराच्या भिंतीवर दिसणार नाही..
ज्या ठिकाणी डाग पडला आहे त्या डागावर थोडा लिंबाचा रस घाला. त्यानंतर त्यावर थोडा बेकिंग सोडा आणि थोडे डिशवॉश लिक्वीड घाला. यानंतर कपडे धुण्याच्या ब्रशने घासून डाग काढून टाका. एका धुण्यात डाग गेला नाही तर हा उपाय पुन्हा करा. कपडा स्वच्छ होईल.