घरातल्या नळांवर पांढरे थर आलेत-नळ जुनाट दिसतात? २ उपाय, नव्यासारखे दिसतील नळ

हे हट्टी डाग काढून टाकण्यासाठी रासायनिक क्लीनर्सचा वापर करण्याऐवजी, काही साधे, नैसर्गिक आणि प्रभावी घरगुती उपाय वापरता येतात.

बाथरूममधील नळ आणि शॉवरहेड्सवर पांढरे डाग दिसणे ही एक सामान्य समस्या आहे. याचे मुख्य कारण म्हणजे आपण वापरत असलेल्या पाण्यात क्षारांचे  प्रमाण अधिक असणे (How To Clean Tap At Home). पाणी सुकल्यावर हे क्षार नळांच्या पृष्ठभागावर साचतात आणि पांढरट, निस्तेज थर  तयार करतात, ज्यामुळे नळांचा मूळचा चकचकीतपणा निघून जातो. हे हट्टी डाग काढून टाकण्यासाठी रासायनिक क्लीनर्सचा वापर करण्याऐवजी, काही साधे, नैसर्गिक आणि प्रभावी घरगुती उपाय वापरता येतात. यामुळे कमी खर्चात नळ नव्यासारखे दिसतील आणि त्यावर लवकर गंज चढणार नाही. (Easy Ways Easy Ways To Clean Tap)

व्हिनेगर 

या समस्येवरचा सर्वात लोकप्रिय आणि प्रभावी उपाय म्हणजेव्हिनेगर वापरणे. व्हिनेगरमध्ये असलेले ऍसिटिक ऍसिड हे डाग काढण्याची क्षमता ठेवते. यासाठी, एका स्प्रे बाटलीत पाणी आणि व्हिनेगर समान प्रमाणात मिसळा. हे द्रावण नळांच्या पांढऱ्या डागांवर चांगले फवारा. जर डाग खूप हट्टी असतील, तर कापडाचा एक छोटा तुकडा व्हिनेगरमध्ये भिजवून तो डाग असलेल्या भागावर सुमारे १५ ते ३० मिनिटांसाठी गुंडाळून ठेवा. ऍसिडमुळे हे क्षार सहजपणे कमकुवत होतात. त्यानंतर मऊ ब्रश किंवा स्पंजच्या मदतीने हलके घासून पाण्याने स्वच्छ धुवा.

बेकिंग सोडा

व्हिनेगरसोबतच बेकिंग सोडा  आणि लिंबू या दोन्हींचा वापर देखील खूप परिणामकारक ठरतो. दोन चमचे बेकिंग सोडा घेऊन त्यात अर्ध्या लिंबाचा रस मिसळून त्याची जाडसर पेस्ट तयार करा. ही पेस्ट पांढऱ्या डागांवर लावा आणि सुमारे २० मिनिटे तशीच राहू द्या. लिंबामधील नैसर्गिक सायट्रिक ऍसिड आणि बेकिंग सोडा यांच्या संयोगामुळे डाग लवकर निघण्यास मदत होते.

या उपायांनी नळ स्वच्छ झाल्यावर, ते त्वरित कोरड्या मायक्रोफायबर कापडाने पुसून घ्या. असे केल्यास त्यावर पुन्हा पाण्याचे डाग जमा होणार नाहीत आणि नळांना नवीन चमक मिळेल. आठवड्यातून एकदा ही स्वच्छता केल्यास, तुमच्या बाथरूमचे नळ दीर्घकाळ चकचकीत राहतील. रोज बाथरूम धुताना नळही स्वच्छ करा ज्यामुळे नळांवर पांढरा थर साचणार नाही.