How to clean kadhai : लोखंडी कढईचा वापर स्वयपाक घरात भरपूर गोष्टींसाठी केला जातो. तळण्या-भाजण्यापासून ते भाजी करण्यापर्यंत लोखंडी कढई वापरली जाते. पण सततच्या वापरामुळे लोखंडी कढईवर चिकट काळे डाग लागतात. कढईवरील हा चिकट थर चांगलाच मजबूत असतो. त्यामुळे कढई किती वेळाही घासली तरी पूर्णपणे स्वच्छ होत नाही. काळे किंवा चिकट डाग तसेच राहतात. जर आपल्यासोबतही असंच होत असेल तर आपल्यासाठी आम्ही एक उपाय घेऊन आलो आहोत. पुढच्या वेळी जेव्हाही कढई घासाल तेव्हा हा उपाय नक्की ट्राय करा.
काय आहे उपाय?
लोखंडी कढईचे चिकट काळे डाग दूर करण्यासाठी लिंबू आणि मीठ खूप फायदेशीर ठरतं. यासाठी सगळ्यात आधी कढईमध्ये दोन ग्लास पाणी टाका. नंतर कढई गॅसवर ठेवा आणि गॅस सुरू करा. पाणी चांगलं गरम होऊ द्या. त्यानंतर गरम झालेल्या पाण्यात ३ ते ४ लिंबाचा रस घाला, २ मोठे चमचे कपडे धुण्याची पावडर आणि एक चमचा मीठ घाला. सगळ्या गोष्टी चांगल्या मिक्स करा आणि गॅस मध्यम आसेवर ठेवा. पाण्याला चांगली उकडी येऊ द्या.
जेव्हा पाणी चांगलं गरम होईल तेव्हा गॅस बंद करा. कढईतील पाणी थोडं थंड होण्याची वाट बघा. ५ मिनिटे वाट बघून कढईतील सगळं पाणी फेका. आता कढई घासणीने चांगली घासा. आपल्याला दिसेल की, कढईवरील चिकट थर साफ होतोय आणि कढई चमकदार होतेय.
कढई साफ करण्यासाठी, चिकट काळे डाग काढण्यासाठी हा उपाय परफेक्ट ठरू शकतो. जर कढईवर पुन्हा चिकट थर जमा होऊ द्यायचा नसेल तर हा उपाय नियमितपणे करू शकता. काम संपल्यानंतर कढई लगेच साफ केली पाहिजे. जास्त वेळ तशीच ठेवाल तर कढईवर तेल - मसाल्यांचा थर जमा होतो. तो नंतर घट्ट बसतो. कढई धुतल्यानंतर ती सुकवायला विसरू नका.
Web Summary : Remove stubborn black stains from your iron kadhai using lemon, salt, and washing powder. Boil the mixture, then scrub. Regular cleaning prevents buildup.
Web Summary : नींबू, नमक और वाशिंग पाउडर से लोहे की कड़ाही से काले दाग हटाएं। मिश्रण को उबालें, फिर स्क्रब करें। नियमित सफाई से जमाव को रोका जा सकता है।