किचन हे घरातील सर्वात जास्त वापरले जाणारे ठिकाण असते. रोजच्या स्वयंपाकामुळे तिथे तेलकटपणा, अन्नाचे डाग, पाण्याचे डाग आणि ओलावा जमा होत असतो. त्यामुळे नियमित आणि योग्य पद्धतीने साफसफाई करणे आवश्यक असते. स्वच्छ किचन केवळ दिसायला छान नसते, तर आरोग्यासाठीही महत्त्वाचे असते. चला पाहूया काही घरगुती उपाय आणि स्वच्छतेच्या टिप्स ज्यांनी तुमचे किचन नेहमी चमकदार राहील.
सर्वप्रथम ओट्याची स्वच्छता. दररोज स्वयंपाकानंतर ओटा लगेच पुसणे हा सवयीचा भाग करावा. यासाठी कोमट पाणी आणि थोडा व्हिनेगर वापरला तर ओट्यावरचे तेलकट थर सहज निघून जातात. (5 solutions - Keep the kitchen clean and sterile, keeping kitchen clean is very important )लिंबाचा रस आणि मीठ वापरून घासल्यास ओट्यावरील जुने डागसुद्धा नाहीसे होतात आणि त्याला नैसर्गिक चमक येते. जर डाग हट्टी असतील तर बेकिंग सोडा आणि थोडे पाणी मिसळून पेस्ट तयार करुन ती डागावर काही मिनिटे ठेवावी, नंतर ओल्या कापडाने पुसून घ्यावी.
किचनमधील ट्रॉली आणि कपाटे यांचीही नियमित काळजी घ्यावी लागते. ट्रॉलीमध्ये ओलावा राहिल्यास त्यातून वास येतो आणि किडेही होऊ शकतात. त्यामुळे महिन्यातून एकदा ट्रॉली आणि कपाटे व्हिनेगर पाण्याने पुसून घ्यावीत. आतमध्ये नेफथलीन बॉल्स किंवा सिलिका जेल पॅक ठेवल्यास ओलावा कमी होतो. ट्रॉली साफ करताना त्यातील सर्व वस्तू बाहेर काढून कोरडे पुसणे आवश्यक आहे.
सिंक हे किचनमधले सर्वात जास्त वापरले जाणारे ठिकाण आहे. ते स्वच्छ ठेवणे खूप महत्त्वाचे आहे. दररोज शेवटी कोमट पाण्याने सिंक धुवून घ्यावे. आठवड्यातून दोनदा मीठ आणि बेकिंग सोडा एकत्र टाकून त्यावर गरम पाणी ओतावे. त्यामुळे पाइपमधील जंतू आणि वास नाहीसे होतात. स्टेनलेस स्टील सिंकला चमक आणायची असेल तर थोडा व्हिनेगर किंवा तेल लावून पुसल्यास ते नवेच दिसते. गॅस स्टोव्हवर तेलकटपणा पटकन जमा होतो. दररोज गॅस पुसताना लिंबाचा रस आणि थोडे डिशवॉश लिक्विड वापरल्यास ग्रीस सहज निघून जाते.
घरगुती क्लिनर बनवण्याचाही एक सोपा उपाय आहे. एक कप व्हिनेगर, एक कप पाणी, एक चमचा बेकिंग सोडा आणि काही थेंब लिंबाचा रस एकत्र करुन स्प्रे बाटलीत भरा. हे मिश्रण ओटा, सिंक, टाइल्स किंवा ट्रॉलीवर स्प्रे करून ओल्या कपड्याने पुसा. हा क्लिनर पूर्णपणे नैसर्गिक आणि प्रभावी असतो, तसेच रासायनिक क्लिनरपेक्षा सुरक्षितही असतो.याशिवाय, किचनमध्ये रोज हवा खेळती ठेवणे, कचरापेटी दररोज रिकामी करणे आणि शेवटच्या पुसण्याकरिता कोरडा कपडा वापरणे ही सवय लावल्यास किचन नेहमी सुगंधी राहते. कचरापेटीत थोडा बेकिंग सोडा टाकल्यास वास येत नाही.
Web Summary : Keep your kitchen sparkling and healthy with these easy home remedies. Regularly clean surfaces with vinegar or baking soda. Maintain trolleys and sinks with proper disinfecting. A homemade cleaner of vinegar, water, and lemon juice keeps everything fresh. Ensure daily ventilation and empty the trash regularly.
Web Summary : इन आसान घरेलू उपायों से अपनी रसोई को चमकदार और स्वस्थ रखें। सिरका या बेकिंग सोडा से नियमित रूप से सतहों को साफ करें। ट्रॉलियों और सिंक को उचित कीटाणुनाशक से बनाए रखें। सिरका, पानी और नींबू के रस से बना एक घरेलू क्लीनर सब कुछ ताजा रखता है। रोजाना वेंटिलेशन सुनिश्चित करें और नियमित रूप से कचरा खाली करें।