लिव्हिंग रूममध्ये 'लो सिटिंग' (Low Seating) किंवा जमिनीला लागून असलेली बैठक व्यवस्था सध्या खूप ट्रेंडमध्ये आहे. यामुळे घर केवळ प्रशस्त दिसत नाही, तर ते अधिक उबदार (Cozy) आणि निवांत वाटते. भारतीय संस्कृतीत जमिनीवर बसण्याला आधीपासूनच महत्त्व आहे, त्याला 'मिनिमलिस्ट' लूक देऊन तुम्ही तुमचे घर सुंदर सजवू शकता.
लिव्हिंग रूममध्ये सोफा सेटच्या जागी किंवा सोफा सेटला जोडून लो सिटिंग केल्यास घराचा लूक पूर्णपणे बदलतो. याचे काही प्रकार खालीलप्रमाणे आहेत:
१. गादी आणि सतरंजी (The Classic Floor Mattress)
सर्वात सोपा आणि कमी खर्चात होणारा हा उपाय आहे. एक चांगली मऊ गादी जमिनीवर टाकून त्यावर सुंदर चादर आणि आकर्षक कव्हर्स घातलेल्या उशा ठेवा. भिंतीला टेकून बसण्यासाठी मोठे लोड किंवा स्क्वेअर कुशन्स ठेवा. गादीऐवजी तुम्ही सतरंजी, रजई, गालिचा अंथरु शकता.
टिप: यासाठी 'इथनिक' किंवा 'राजस्थानी' प्रिंटचे कापड वापरल्यास घराला रॉयल लूक मिळेल.
२. लाकडी प्लॅटफॉर्म सिटिंग (Wooden Platform Seating)
जर तुम्हाला जमिनीवर थेट बसणे आवडत नसेल, तर लाकडाचा कमी उंचीचा (अंदाजे ६-१० इंच) प्लॅटफॉर्म तयार करून घ्या आणि त्यावर गादी ठेवा. हे दिसायला अत्यंत आधुनिक आणि नेटके वाटते. याच्या खाली तुम्ही स्टोरेजसाठी ड्रॉवर्सही बनवू शकता.
३. बीन बॅग्ज आणि पफ्स (Bean Bags & Poufs)
लिव्हिंग रूमच्या एखाद्या कोपऱ्यात किंवा खिडकीपाशी बीन बॅग किंवा ज्यूटचे पफ्स ठेवा. हे हलवायला सोपे असतात आणि तरुण पिढीला किंवा मुलांना अशा जागी बसून पुस्तक वाचायला किंवा कॉफी प्यायला खूप आवडते.
४. रग्ज आणि गालिचे (Layering with Rugs)
लो सिटिंगमध्ये जमिनीचा स्पर्श महत्त्वाचा असतो. त्यामुळे तिथे एक मोठा 'रग' किंवा जाड गालिचा अंथरा. त्यावर वेगवेगळ्या आकाराची कुशन्स पसरवून ठेवा. यामुळे रूममध्ये एक प्रकारचा प्रशस्थ लूक तयार होतो.
५. जापनीज 'ततामी' स्टाईल (Japanese Tatami Style)
कमीतकमी फर्निचर आणि जास्तीत जास्त मोकळी जागा, हे या पद्धतीचे वैशिष्ट्य आहे. साध्या, न्यूट्रल रंगाच्या मॅट्स आणि कमी उंचीचे टेबल (Coffee Table) वापरून तुम्ही 'मिनिमलिस्ट' कोपरा तयार करू शकता.
लो सिटिंगचे फायदे:
जागेची बचत: रूम मोठी आणि मोकळी वाटते.
कमी खर्च: महागड्या सोफा सेटपेक्षा लो सिटिंग बजेटमध्ये बसते.
आरामदायी: पाहुणे जास्त असल्यास किंवा फॅमिली गेट-टुगेदरसाठी ही बैठक व्यवस्था अत्यंत सोयीची ठरते.
लवचिकता: तुम्ही तुमच्या मूडनुसार गादीचे कव्हर्स किंवा कुशन्स बदलून रूमचा लूक बदलू शकता.