मुलांची उंची वाढत नाही? वेळीच करा ५ योगासने - मुले होतील ताडमाड उंच आणि दणकट

Child height increase tips: Exercises to increase height in kids: आपल्याही मुलांची उंची वाढवायची असेल तर रोज १५ ते २० मिनिटे मुलांकडून योगासने करुन घ्या.

आपले मुलं निरोगी, मजबूत आणि उंच असावी असे प्रत्येक पालकांना वाटत असते. संतुलित आहार आणि चांगली झोप घेऊनही मुलांची उंची काही केल्या वाढत नाही. यामध्ये शारीरिक अभाव जास्त प्रमाणात असतो, असे डॉक्टर म्हणतात.(Child height increase tips)

तज्ज्ञांच्या मते मुलांची उंची वाढवण्यासाठी व्यायाम आणि दिनचर्या सगळ्यात महत्त्वाची भूमिका बजावते. जर आपल्याही मुलांची उंची वाढवायची असेल तर रोज १५ ते २० मिनिटे मुलांकडून योगासने करुन घ्या. (Exercises to increase height in kids)

उंची वाढविण्यासाठी लटकणे हा सोपा व्यायाम चांगला आहे. यामध्ये मुलांचे दोन्ही हात मजबूत रॉड किंवा झुल्यावर लटकवावे. या व्यायामामुळे पाठीचा कणा ताणला जातो. तसेच हाडांचा विकास होतो. असे दिवसातून १० ते १५ सेकंद लटकल्यास फायदा होईल.

ताडासन हे शरीराला ताण देणारे योगासन आहे. हे उंची वाढविण्यास मदत करते. तसेच पाठीचा कणा आणि पायांच्या स्नायूंना ताण देते.

स्किपिंमुळे आपल्या संपूर्ण शरीराची कसरत होते. जी शरीराच्या सर्व भागांना सक्रिय करते. तसेच हाडे मजबूत करुन उंची वाढवण्यास मदत करते.

क्रोबा स्ट्रेचमुळे पाठ आणि मणक्याचा व्यायाम होतो. हे मणक्याची लवचिकता सुधारुन उंची वाढविण्यास मदत करते.

बास्केटबॉल, व्हॉलीबॉल, बॅडमिंटन सारख्या खेळांमुळे शरीराची हालचाल होते. खेळांमध्ये नियमित सहभाग घेतल्याने मुलांच्या उंचीवर सकारात्मक परिणाम होतो. तसेच शरीरात रक्ताभिसरण आणि वाढ संप्रेरकांची पातळी वाढते.

मुलांची उंची वाढवण्यासाठी फक्त व्यायामच नाही तर पुरेसा आहार, झोप आणि तणावमुक्त जीवनशैली देखील तितकीच महत्त्वाची आहे.