भरपूर कॅल्शियम देणाऱ्या पदार्थांची ही घ्या यादी, हाडं ठणठणीत- थकवाही होईल दूर

Highest Calcium rich Food you must add in your diet for Strong bones

कॅल्शियम हे एक असे खनिज आहे जे आपली हाडं मजबूत करण्यासाठी अतिशय उपयुक्त असते. महिला सतत कामं करत असतात त्यामुळे त्यांच्या शरीरात तर कॅल्शियम योग्य प्रमाणात असायलाच हवे.

बदाम

बदाम हा कॅल्शियमचा उत्तम स्त्रोत आहे. तसेच हा मोनोअसॅचराइडस आणि प्रोटीनचाही उत्तम स्त्रोत आहे. याबरोबरच पालक, बटाटा, खजूर, अक्रोडही खायला हवे.

दूध आणि दुग्धजन्य पदार्थ

दूध, दही, पनीर, ताक हे महिलांसाठी अतिशय उपयुक्त कॅल्शियम स्त्रोत आहेत. हाडांची मजबूती वाढवण्यासाठी त्यांचा चांगला उपयोग होतो.

ब्रोकोली

ब्रोकोली आपण फारशी खात नाही पण कॅल्शियमचा उत्तम स्त्रोत असलेली ही भाजी खायला हवी. व्हिटॅमिन के, सी आणि फायबर यांचे भरपूर प्रमाण असलेली ही भाजी आरोग्यासाठी फायदेशीर असते.

तीळ

तीळातही कॅल्शियमचे प्रमाण जास्त असते. आपण साधारणपणे थंडीच्या दिवसांत तीळ खातो. पण एरवीही ठराविक प्रमाणात तीळ खाल्ले तरी चालू शकते. आरोग्य उत्तम राहण्यासाठी आणि हाडांच्या बळकटीसाठी तीळ खाणे फायदेशीर असते.

मसूर डाळ

मसूर डाळ आपण आहारात फारशी वापरत नाही. पण रोजच्या स्वयंपाकात मसूर डाळीचा अवश्य वापर करावा, त्यामुळे चांगल्या प्रमाणात कॅल्शियम मिळण्यास मदत होते.

टोफू आणि मशरुम

हे वेस्टर्न पदार्थ मानले जातात त्यामुळे आपल्याकडे ते जास्त प्रमाणात खाल्ले जात नाहीत. मात्र टोफू आणि मशरुम हेही कॅल्शियमचा उत्तम स्त्रोत आहेत.