१ पैसाही खर्च न करता घरच्याघरी करा आरोग्य तपासणी- ५ मिनिटांत कळेल तुमची तब्येत कशी आहे?

1 / 7

हेल्थ चेकअप करायचं म्हटलं की दवाखान्यात किंवा लॅबमध्ये जाऊन ब्लड सॅम्पल, युरिन सॅम्पल द्यावं लागतं आणि मग त्यातून आपल्या तब्येतीचा अंदाज येतो. शरीरात कोणत्या घटकाची कमतरता आहे, हे लक्षात येतं..( 5 Simple tests for health check up at home)

2 / 7

पण यातल्या कित्येक गोष्टी तुम्हाला अगदी घरबसल्याही कळू शकतात. त्यासाठी कुठेही जाऊन रक्त तपासणी करण्याची गरज नाही. त्या नेमकं काय करायचं आणि घरच्याघरी स्वत:चं हेल्थ चेकअप कसं करायचं याविषयीची माहिती डॉक्टरांनी myexpertdoctor या इंस्टाग्राम पेजवर शेअर केली आहे.(how to take fitness test at home?)

3 / 7

यामध्ये डाॅक्टरांनी सांगितलेली पहिली गोष्ट म्हणजे तुमच्या त्वचेला एक बारीक चिमटा घ्या. त्यानंतर त्वचा पुन्हा पहिल्यासारखी होण्यासाठी २ सेकंदांपेक्षा जास्त वेळ लागत असेल तर तुमच्या शरीरात पाणी खूप कमी आहे. त्यासाठी पाणी पिण्याचे प्रमाण वाढवा.

4 / 7

दुसरी चाचणी करण्यासाठी जमिनीवर बसा. आता कुठेही न धरता उठून उभे राहा. जर तुम्ही तसं करू शकलात तर तुमचे पायाचे स्नायू, हाडं स्ट्राँग आहेत.

5 / 7

एका जागी शांतपणे बसा. त्यानंतर दिर्घ श्वास घ्या. श्वास घेतल्यानंतर तुम्ही जर तो ३० सेकंदांपर्यंत राेखून धरू शकलात तर याचा अर्थ असा की तुमचे फुफ्फुस उत्तम आहे.

6 / 7

एका दमात जर सरसर ३ जीने चढून जाऊ शकलात आणि त्यानंतरही तुम्हाला खूप जास्त धाप लागणे, श्वास घेता न येणे असा त्रास झाला नाही तर तुमच्या हृदयाचे आरोग्यही उत्तम आहे.

7 / 7

सकाळी उठल्यानंतर लिंबू आणि मीठ एकत्र करून खा. जर तुम्हाला त्याची चव खूप वेगळी लागली नाही, तर तुमचं आरोग्य चांगलं आहे.