1 / 12'वडापाव' हा जगप्रसिद्ध असा एकमेव स्ट्रीटफूडचा पदार्थ आहे. प्रत्येक भारतीयाची (World Vada Pav Day 2025) पहिली पसंत म्हणजेच मस्त गरमागरम वडापाव. वडापाव आपण कधीही, कुठेही आणि कितीही खाऊ शकतो. मुंबईत राहणाऱ्या गरिबांपासून ते श्रीमंतांपर्यंत सगळ्यांचेच पोट भरणारा हा वडापाव. पांढऱ्याशुभ्र पावाला हिरवी - लाल सुकी चटणी लावून मग त्यात गरमागरम वडा ठेवून सोबत तोंडी लावायला तळलेली मिरची असा झक्कास वडापाव म्हणजे सुखचं.. 2 / 12मुंबईत तर अगदी रस्त्यांवरच्या ठेल्यापासून ते मोठमोठाल्या दुकानांमध्येही (Famous Vada Pav In Mumbai) वडापाव विकला जातो. गरमागरम वडापाव म्हणजे मुंबईतील प्रत्येकाचा अगदी जीव की प्राण... मुंबईतील बऱ्याचशा लोकांचा सकाळचा नाश्ता ते रात्रीचे जेवण हा वडापावच असते. मुंबईच्या कानाकोपऱ्यात असे काही फेमस आणि वेगळ्या चवींचे वडापाव फार मोठ्या प्रमाणावर विकले जातात, यातीलच काही लोकप्रिय, भन्नाट चवींचे वडापाव कोणते ते पाहूयात.. 3 / 12 मुंबईतील विलेपार्लेच्या पश्चिम भागात स्टेशन जवळ मिळणारा हा आनंद वडापाव प्रचंड लोकप्रिय आहे. 4 / 12भायखळा रेल्वे स्थानच्या पूर्वेकडील भागात हा ग्रॅज्युएट वडापाव मिळतो. हा वडापाव मुंबईतील बेस्ट वडापाव पैकी एक आहे. 5 / 12गिरगावातील बोरकर वडापाव हा देखील मुंबईतील सगळ्यात लोकप्रिय वडापाव पैकी एक आहे. या वडापाव सोबत दिली जाणारी चटणी हीच खवय्यांसाठी मेजवानी असते. या वडापाव सोबत दिल्या जाणाऱ्या चविष्ट चटणीची चव कायम जिभेवर रेंगाळत राहते. 6 / 12भांडुपमधील वाल्मिकी नगर या परिसरात भाऊ वडापाव विकत मिळतो. 7 / 12घाटकोपर पूर्व भागात मिळणारा लक्ष्मण वडापाव हा अतिशय फेमस वडापाव पैकी एक आहे. यांच्याकडे मिळणारा जैन वडापाव ही त्यांची मुख्य खासियत आहे. 8 / 12ठाण्यातील सगळ्यात सुप्रसिद्ध असलेला वडापाव म्हणजे गजानन वडापाव. या वडापाव सोबत दिल्या जाणाऱ्या चटणीच्या चवीमुळेच हा वडापाव इतका लोकप्रिय आहे. हा वडापाव खाण्यासाठी ठाणे स्टेशन बाहेर खवय्यांची चांगलीच गर्दी असते. 9 / 12 प्रभादेवी मधील कीर्ती कॉलेजच्या बाहेर मिळणारा अशोक वडापाव हा मुंबईतील फेमस वडापाव पैकी एक आहे. अनेक सेलिब्रिटीजनीं देखील या वडापावची चव चाखली आहे.10 / 12७० वर्षांचा वारसा असलेल्या या स्टॉलमध्ये तळलेल्या मिरच्या आणि कांद्यासोबत गरमागरम वडापाव खायला दिला जातो जो अप्रतिम लागतो. सीएसटी स्टेशनसमोर हा आराम वडापाव मुंबईतील फेमस वडापावपैकी एक आहे. 11 / 12दादर पश्चिम येथील श्री कृष्ण बटाटावडा हे एक प्रसिद्ध ठिकाण. १९७० पासून दादरमधील उत्तम चवीच्या वडापावसाठी अतिशय लोकप्रिय असलेले हे खास ठिकाण ओळखले जाते. यांच्याकडे विशेषसा करून बटाटा वडा, कोथिंबीर वडी, समोसा आणि चाट अशा पदार्थांसाठी प्रसिद्ध आहे आणि तेथे पारंपरिक मराठी खाद्यपदार्थ देखील मिळतात.12 / 12ठाणे रेल्वे स्थानकाच्या पश्चिमेला मिळणारा वडापाव म्हणजे कुंजविहारचा वडापाव. हा वडापाव मुंबईमधील प्रसिद्ध वडापाव पैकी एक आहे.