Republic Day : प्रजासत्ताक दिनाला करा चविष्ट तिरंगा रेसेपीज; ८ चवदार मेन्यू आयडियाज, पाहा
Published:January 25, 2023 05:59 PM2023-01-25T17:59:13+5:302023-01-25T18:13:44+5:30
Republic Day Tricolour Food Ideas : इडलीप्रमाणेच तुम्ही डोश्याच्या पीठातही नारंगी आणि हिरवा रंग घालून डोसा बनवू शकता.
देशभरात उद्या प्रजासत्ताक दिन (Republic Day) साजरा केला जाणार आहे. सकाळी ध्वजारोहण झाल्यानंतर प्रत्येकजण या सुट्टीचा आनंद घेतो. प्रजासत्ताक दिनाला तिरंग्याचे तीन रंग वापरून तुम्ही चविष्ट, रेसेपीज बनवू शकता. या रेसेपीजचे फोटोज सोशल मीडियावर टाकून मित्रमैत्रिणींसोबतही शेअर करता येतील. यानिमित्तानं नवीन काहीतरी केल्याचा आनंद मिळले. (Tricolour Food Ideas)
तिरंगा इडली
रवा इडली किंवा तांदळाच्या पीठाची इडली नाश्त्याला करण्याचा विचार करत असाल तर तुम्हाला तीन वेगवेगळ्या भांड्यात इडलीचं पीठ घेऊन त्यात हिरवा आणि केशरी रंग मिसळून इडलीच्या साच्यात भरा आणि नेहमीप्रमाणे शिजवून घ्या
तिरंगा पुलाव
तिरंगा पुलाव करण्यासाठी बासमती तांदूळ अर्धवट शिजल्यानंतर त्यात हिरवा आणि नारंगी रंग घाला.
तिरंगा सॅण्डविच
सॅण्डविच करताना वरच्या आणि खालच्या भागाला केशरी आणि हिरवा रंग लावून मध्ये व्हाईट ब्रेड ठेवा.
तिरंगा डोसा
इडलीप्रमाणेच तुम्ही डोश्याच्या पीठातही नारंगी आणि हिरवा रंग घालून डोसा बनवू शकता.
तिरंगा बर्फी
खोबऱ्याच्या किसामध्ये किंवा चण्याच्या पिठात खाण्याचे रंग मिसळून ही बर्फी तयार करा.
तिरंगा आईस्क्रीम
तिरंगा मिल्कशेक किंवा आईस्क्रीमसुद्धा उत्तम पर्याय आहे.
तिरंगा पराठा
आलू पराठा किंवा कोबी पराठा दुपारच्या जेवणासाठी बनवणार असाल तर गव्हाचं पीठ मिळताना त्याचे २ भाग करून हा खाण्याचा रंग मिसळा आणि मग पराठा लाटून त्यात स्टफिंग भरा.
तिरंगा ढोकळा
तीन रंगाचे बॅटर बनवून तुम्ही तिरंगा ढोकळा बनवू शकता.