Pitru paksha 2025 : पितृपक्षात श्राद्ध भोजनात हवेच हे ७ पारंपरिक पदार्थ, घरोघरची परंपरा-सात्विक चव

Pitru Paksha 2025: These 7 traditional dishes must be eaten in Shraddha food during Pitru Paksha, traditional food : पितृपक्षात करायचे पारंपरिक पदार्थ.

पितृपक्षात काही पदार्थ केले जातात. जे वर्षानुवर्षे या पंधरा दिवसांच्या कालावधीत केले जात आहेत. हे पदार्थ करायला सोपे असतात तसेच पितृपक्षासाठी वाढल्या जाणाऱ्या पानात हे पदार्थ असतात.

जागेनुसार पद्धती बदलतात. विविध ठिकाणी विविध पदार्थ केले जातात. त्यापैकीच काही पदार्थ आहेत जे घरोघरी या कालावधीत केले जातात.

न भाजता केलेले डाळींचे वडे या दिवसांत केले जातात. तांदूळ, हरभरा, डाळींचे मिश्रण करुन हे वड्याचे पीठ तयार केले जाते. चवीला हे वडे छान लागतात मात्र शक्यतो या कालावधीत केले जातात.

विविध प्रकारच्या भाज्या केल्या जातात. कमी मसाला लावलेल्या साध्या परतलेल्या भाज्या केल्या जातात त्यापैकी एक म्हणजे गवार भोपळा. समप्रमाणात गवार आणि भोपळा घेऊन वाफवून किंवा परतून ही भाजी केली जाते.

या दिवसांत अळूची पातळ भाजी केली जाते. शेंगदाणे, चणाडाळ आदी पदार्थ घालून ही भाजी केली जाते. चवीला खरंच फार छान असते. इतरही दिवशी ही भाजी केली जाते.

अनेकांना न आवडणारी कारल्याची भाजी पितृपक्षात नक्कीच केली जाते. परतून केली जाते. त्यासाठी कारल्याच्या चकत्या करुन त्या भिजवून मग परतायच्या.

पितृपक्षात वाढल्या जाणाऱ्या पानावर अनेक प्रकारचे पदार्थ असतात. त्यात तोंडीलावण्याचे पदार्थही असतात. जसे की आमसुलाची चटणी. ही चटणी अगदी झटपट होते आणि या पंधरा दिवसांत केली जाते.

गोडाचा पदार्थ कोणत्याही प्रसंगी केला जातोच. तसेच या पितृपक्षातही गोडाचा एक पदार्थ घरोघरी केला जातो. तो म्हणजे तांदूळाची खीर. ही खीर वर्षानुवर्षे पितृपक्षात केली जात आहे.

कढी हा पदार्थ वरचेवर घरी केला जातोच. मात्र या पंधरवड्यात कढीलाही महत्व असते. पितृपक्षासाठी वाढल्या जाणाऱ्या पानावर कढीची वाटी ठेवली जाते.