Join us

कांदा-बीट लोणचं- रंग अप्रतिम सुंदर, पोटभरीचं सॅलेडही! उन्हाळ्यासाठी स्पेशल एकदम सोपी रेसिपी

By लोकमत न्यूज नेटवर्क | Updated: April 3, 2025 19:14 IST

1 / 7
घरी पाहुणे जेवायला येणार असल्यास त्यांच्यासाठी सॅलेड म्हणून काही वेगळा पदार्थ करायचा असेल किंवा आपल्या स्वत:साठी काहीतरी वेगळ्या चवीचं लोणचं किंवा सॅलेड किंवा तोंडी लावण्यासाठीचा एखादा पदार्थ हवा असेल तर ही एक मस्त रेसिपी लगेचच ट्राय करून पाहा.(onion beet root salad recipe)
2 / 7
यामध्ये कांदा आणि बीट रूटचं लोणचं किंवा सॅलेड कसं करायचं ते आपण पाहणार आहोत. रेसिपी अतिशय सोपी असून अवघ्या ५ मिनिटांत होणारी आहे.
3 / 7
हा पदार्थ तयार करण्यासाठी सगळ्यात आधी कांदे गोलाकार कापून घ्या.
4 / 7
त्यानंतर बीट रुटचे बारीक काप करा. आता एक बरणी घ्या. त्या बरणीमध्ये कांद्याच्या गोलाकार चकत्या सगळ्यात आधी घाला. त्यावर बीटरुट घाला आणि वर पुन्हा कांद्याच्या चकत्या घाला.
5 / 7
आता त्या बरणीमध्ये अर्धा कप व्हिनेगर, १ कप गरम पाणी, चवीनुसार मीठ आणि थोडी मिरेपूड किंवा मिरे घाला. बरणीचं झाकण लावून ती थोडीशी हलवा आणि ६ तासांसाठी तशीच ठेवून द्या.
6 / 7
यानंतर बरणीमध्ये व्हिनेगर आणि पाण्यात मुरलेलं जे काही कांदा आणि बीटरुट सॅलेड तयार झालेलं असेल ते अतिशय उत्कृष्ट चवीचं असेल.
7 / 7
तुम्ही कोणत्याही प्रकारचा मेन्यू केला तरी त्यामध्ये तोंडी लावायला तुम्ही हा पदार्थ आवर्जून घेऊ शकता. सगळ्यांना नक्की आवडेल.
टॅग्स : अन्नपाककृतीकुकींग किचन टिप्स आणि ट्रिक्स.