गुरगुट्या भात तूप मेतकूट म्हणजे खाण्याचं सुखच सुख! पाहा खमंग मेतकुटाची अस्सल पारंपरिक रेसिपी

1 / 6

मेतकूट हा महाराष्ट्राचा एक पारंपरिक पदार्थ. लग्नकार्य असलं की आवर्जून मेतकूट केलंच जातं. खमंग मेतकूट गरम भातासोबत तसेच पोळीसोबतही खायला खूप छान लागतं. त्याच मेतकुटाची ही एक पारंपरिक रेसिपी पाहा...

2 / 6

मेतकूट करण्यासाठी चणा डाळ, उडदाची डाळ, मूग डाळ अशा सर्व डाळी एकेक वाटी या प्रमाणात घ्या. सगळ्यात आधी चणा डाळ छान खमंग भाजून घ्या. त्यानंतर ती कढईतून बाहेर काढा.

3 / 6

यानंतर उडीद डाळ, मूग डाळ हे देखील एकेक करून भाजून घ्या.

4 / 6

त्यानंतर ३ ते ४ चमचे गहू घ्या आणि ते देखील व्यवस्थित खमंग भाजून घ्या. पदार्थ भाजून घेताना गॅस नेहमी मंद आचेवर ठेवावा.

5 / 6

त्यानंतर अर्धी वाटी तांदूळ भाजून घ्या. त्यानंतर मेथी दाणे, धणे, जिरे खमंग भाजून घ्या.

6 / 6

भाजून घेतलेले सगळे पदार्थ, चवीनुसार मीठ आणि तिखट तसेच थोडीशी हळद घालून मिक्सरमधून बारीक वाटून घ्या. छान चवदार खमंग मेतकूट तयार.