सकाळी टिफिनमध्ये ठेवलेली चपाती दुपारी वातड होते? ७ टिप्स, मऊ राहतील डब्यातील चपात्या

How To Make Soft Chapati At Home : चपाती रूमालात गुंडाळून डब्यात ठेवल्यानंतर डब्याचे झाकण घट्ट लावा.

चपाती तव्यावरून काढल्यानंतर लगेच टिफिनमध्ये भरू नका. ती एका जाळीवर किंवा प्लेटमध्ये ठेवा. जेणेकरून त्यातील जास्त गरम वाफ निघून जाईल. गरम वाफेमुळे डब्याला पाणी सुटते आणि चपाती खालून ओली, वातड होते

चपाती कधीही थेट स्टिलच्या डब्यात ठेवू नका. ती नेहमी एका स्वच्छ सुती रूमालात किंवा मलमलच्या कापडात गुंडाळून ठेवा. कापड जास्तीचा ओलावा शोषून घेते आणि चपातीचा मऊपणा टिकवून ठेवते.

शक्यतो एल्युमिनियम फॉईलऐवजी बटर पेपर किंवा सुती कापडाचा वापर करा. फॉईलमध्ये चपाती जास्त वेळ राहिल्यास ती घामामुळे ओलसर आणि नंतर चिवट होऊ शकते.

चपाती रूमालात गुंडाळून डब्यात ठेवल्यानंतर डब्याचे झाकण घट्ट लावा. जर डबा एअर टाईल असेल तर बाहेरील हवा आत जात नाही आणि चपाती कोरडी पडत नाही.

जर शक्य असेल तर डब्यात चपात्या ठेवताना सर्वात खाली एक कोरिव कागद किंवा जाड टिश्यू पेपर असेल तर त्यावर कापडात गुंडाळलेली चपाती ठेवा. यामुळे खालच्या बाजूची चपाती साचलेल्या पाण्यानं भिजत नाही.

टिफिनसाठी तुम्ही फुलका करण्याऐवजी घडीची चपाती केली तर ती जास्तवेळ मऊ राहते.

याशिवाय चपाती मऊ राहण्याासाठी तुम्ही तेल किंवा तूप लावूनही टिफिनमध्ये ठेवू शकता.