कोण म्हणे उन्हाळ्यात दही पातळ होतं? २ टिप्स, असं घट्ट होईल की केकसारखं कापता येईल

उन्हाळा आला की दही, ताक हे पदार्थ जास्त प्रमाणात खाल्ले जातात. पण उन्हाळ्यातच नेमकी अशी अडचण येते की खूप उष्णता असल्याने दही व्यवस्थित विरजत नाही. काही तासांतच ते खूप आंबट होऊन जातं आणि शिवाय पातळ होतं...(how to make perfect thick curd in summer at home?)

पण दही लावताना काही टिप्स आणि ट्रिक्स लक्षात ठेवल्या तर नक्कीच उन्हाळ्यातही अगदी घट्ट दही तुम्हाला लावता येईल. त्यासाठी नेमकं काय करायचं ते पाहूया...(3 tips for making thick curd at home)

बहुतांश घरांमध्ये साय काढून नंतर उरलेल्या दुधाचं दही लावलं जातं. आता अशा दुधाचं दही तुम्ही लावणार असाल तर ते दूध थोडंसं उकळवून आटवून घ्या. कारण जेवढं दाट दूध असेल तेवढं छान दही लागतं.

उकळवून आटवून घेतलेलं दही जेव्हा थोडं कोमट होईल तेव्हा साधारण पाव लीटर दूध असेल तर त्यात १ चमचा मिल्क पावडर मिसळा. मिल्क पावडरमुळे दुधाला घट्टपणा येतो आणि दही दाट होण्यास मदत होते. शिवाय दह्याला छान गोड चव येते.

किंवा तुम्ही थेट बाजारात विकत मिळणारं फुल फॅट दूध आणून त्याचंही दही लावू शकता. ते दहीदेखील अतिशय उत्तम होतं.

तसेच दही लावण्यासाठी खूप पातळ विरझण वापरू नये. विरझणही घट्ट असावं तसेच ते खूप आंबट असू नये. या काही टिप्स लक्षात ठेवून दही लावलं तर नक्कीच खूप घट्ट आणि दाट दही लागेल.