फ्रिजमध्ये ठेवूनही भाज्या सडतात? 'या' टिप्स पाहा- १५ दिवस भाज्या राहतील एकदम फ्रेश

1 / 8

बऱ्याचदा असा अनुभव येतो की फ्रिजमध्ये ठेवूनही भाज्या २ ते ३ दिवसांतच खराब होतात. कारण आपण त्या चुकीच्या पद्धतीने साठवून ठेवतो. म्हणूनच कोणती भाजी कशा पद्धतीने साठवून ठेवायची याविषयी या काही खास टिप्स पाहा..

2 / 8

पालक, मेथी अशा भाज्या पेपर नॅपकिनमध्ये गुंडाळा आणि मग त्या झिप लॉक बॅगमध्ये ठेवून फ्रिजमध्ये ठेवा. आठवडाभर भाज्या अगदी फ्रेश राहतील.

3 / 8

टोमॅटोच्या देठाला थोडेसे तेल लावून ठेवा. टोमॅटो ७ ते ८ दिवस अगदी छान टिकतात.

4 / 8

फ्रिजमध्ये ठेवलेलं आलंही काही दिवसानंतर सुकून जातं. असं होऊ नये म्हणून आलं एका एअरटाईट डब्यात ठेवा आणि त्या डब्यामध्ये एका पेपर नॅपकिनमध्ये थोडं मीठ गुंडाळून ठेवा. आलं फ्रेश राहील.

5 / 8

कोथिंबीर जास्तीत जास्त दिवस फ्रेश ठेवण्यासाठी तिच्या देठाकडचा थोडासा भाग कापून घ्या आणि ती एका काचेच्या ग्लासमध्ये पाणी घालून त्यामध्ये ठेवून द्या. कोथिंबीरीवरून एक प्लास्टिकची पिशवी किंवा काचेचे भांडे लावा.

6 / 8

लिंबू एक ते दोन महिने अगदी फ्रेश ठेवण्यासाठी एक काचेची बरणी घ्या. त्यात लिंबू टाकून पाणी भरा आणि झाकण लावून ही बरणी फ्रिजमध्ये ठेवून द्या.

7 / 8

बटाट्यांना कोंब येऊ नयेत म्हणून बटाट्यांमध्ये एखादे सफरचंद टाकून ठेवा. बटाटे जास्तीत जास्त दिवस फ्रेश राहतील.

8 / 8

हिरव्या मिरच्यांची देठं काढून घ्या. त्यानंतर मिरच्या पेपर नॅपकिनमध्ये गुंडाळा आणि काचेच्या एअरटाईट डबीमध्ये ठेवून फ्रीजमध्ये ठेवा. मिरच्या महिनाभर फ्रेश राहतील.