1 / 7इडली हा अनेकांचा आवडीचा पदार्थ. इडली सांबार, इडली चटणी असं काहीही केलं तरी इडली प्रेमींना ते आवडतच..2 / 7आता आपल्या नेहमीच्या इडलीमध्ये थोडा बदल करा आणि हिरवीगार खमंग पालक इडली करा. ही इडली एवढी चवदार होईल की तिच्या जोडीला सांबार, चटणी असं काही नसलं तरी चालेल.3 / 7पालक इडली करण्यासाठी सगळ्यात आधी तांदूळ आणि उडीद डाळ ३: १ या प्रमाणात वेगवेगळे भिजत घाला. 4 / 7उडदाच्या डाळीमध्ये १ टीस्पून मेथ्या आणि २ टेबलस्पून हरबरा डाळ सुद्धा भिजत घाला. यामुळे इडल्या जास्त मऊ होतात. 5 / 7डाळ आणि तांदूळ ६ ते ७ तास भिजल्यानंतर ते मिक्सरमधून वाटून घ्या आणि ८ ते १० तास आंबविण्यासाठी ठेवून द्या. सध्या थंडीचे दिवस असल्याने इडलीचे पीठ आंबण्यासाठी तेवढा वेळ लागतोच.6 / 7त्यानंतर पीठ व्यवस्थित आंबवले गेले की पालकाची फ्रेश पाने स्वच्छ धुवून घ्या. ती बारीक चिरून मिक्सरच्या भांड्यात टाका. त्यातच २ ते ३ टेबलस्पून बारीक चिरलेली कोथिंबीर, ३ ते ४ हिरव्या मिरच्या आणि १ टीस्पून आलं- लसूण पेस्ट घाला. सगळं मिश्रण बारीक वाटून घ्या आणि ही प्युरी इडलीच्या पिठामध्ये घाला.7 / 7आता पालकाची प्युरी आणि इडलीचं पीठ व्यवस्थित मिक्स करा आणि नेहमीप्रमाणे इडल्या लावून टाका. चटकदार खमंग पालक इडली तयार..