तुम्ही कोणत्या पद्धतीने पुरणपोळी तयार करता? पुरणपोळीची कहाणी घरोघरची रीत न्यारी..

Different Types Of Puran Poli : प्रत्येकाची पाककला ही वेगळीच. पाहा महाराष्ट्रातील घरोघरी तयार होणाऱ्या गोड पुरणपोळीचे प्रकार.

आपले पारंपारिक महाराष्ट्रीय पदार्थ चवीला फारच सुरेख असतात. त्यात आपले गोड पदार्थ म्हणजे वाहह!!! मज्जाच येते. या पदार्थांबद्दल विचार करूनही तोंडाला पाणी सुटेल.

पण एक मात्र खरं आहे की, हे पदार्थ जेवढे चवीला छान असतात, तेवढेच तयार करायलाही किचकट असतात. मनावर व डोक्यावर फार संयम ठेऊन काम करावे लागते. झटपट झाले असे होत नाही. जसे की पुरणपोळी.

घरोघरी पुरणपोळी तयार केली जात असली तरी, तयार करण्याच्या पद्धती मात्र वेगवेगळ्या असतात.

काही म्हणतात पुरणपोळी फुलली म्हणजे छान झाली. तर काही म्हणतात फुलली म्हणजे पुरण चुकलं. प्रत्येकाच्या मान्यता वेगवेगळ्या.

खानदेशी पद्धतीत पातळ पिवळ्या दिसणाऱ्या मोठ्या आकाराच्या पुरणपोळ्या तयार करून उलट्या कढईवर भाजल्या जातात.

अनेक ठिकाणी लाटी वर पुरण ठेवतात, वरतून आणखी एक लाटी ठेवतात आणि मग पोळी लाटतात.

काही ठिकाणी पुरणामध्ये नारळ घालण्याची पद्धत आहे. पोळीची चवही जरा वेगळी लागते.

बऱ्याच घरांमध्ये पुरणपोळीचे पीठ मळताना मैदा वापरला जातो. पीठ अगदी मऊ आणि चिकट तयार केले जाते. मग तांदळाच्या पीठाच्या मदतीने पोळी लाटली जाते.

काही जण साध्या पोळीसाठी आपण जशी कणीक भिजवतो, तशीच कणीक भिजवतात. त्यात पुरण भरून मग पोळी लाटतात.

काही जण साध्या पोळीसाठी आपण जशी कणीक भिजवतो, तशीच कणीक भिजवतात. त्यात पुरण भरून मग पोळी लाटतात.

त्यामुळे प्रत्येक घरची पुरणपोळी चवीला वेगळीच लागते. कुठली पारंपारिक आणि कुठली मिलावटी हा प्रश्नच उद्भवत नाही. कारण भारतीय पाककला विविधतेने परिपूर्ण आहे.