श्रीनिवास विद्यापीठातील भौतिक विज्ञान आणि अभियांत्रिकी विभागाच्या प्रमुख संशोधन शास्त्रज्ञ डॉ. संध्या शेणॉय यांनी पुन्हा एकदा देशाचं नाव उंचावलं आहे. जगभरातील अव्वल दोन टक्के शास्त्रज्ञांच्या प्रतिष्ठित यादीत संध्या यांनी सलग तिसऱ्या वर्षी आपलं स्थान निश्चित केलं आहे.
स्टॅनफोर्ड विद्यापीठाने नुकत्याच जाहीर केलेल्या 'अपडेटेड सायन्स-वाईड ऑथर डेटाबेसेस ऑफ स्टँडर्डाईज्ड सायटेशन इंडिकेटर्स' या क्रमवारीतून डॉ. शेणॉय यांच्या संशोधनाच्या जागतिक प्रभावावर शिक्कामोर्तब झाला आहे.
डॉ. संध्या शेणॉय यांचे मुख्य संशोधन क्षेत्र थर्मोइलेक्ट्रिक मटेरियल्सवर आधारित आहे. त्यांच्या या अत्याधुनिक कार्यामुळे टाकाऊ उष्णतेचे विजेमध्ये रूपांतर करणं शक्य होतं, ज्यामुळे उद्योगांमध्ये ऊर्जा कार्यक्षमतेत सुधारणा होऊन शाश्वत ऊर्जा उपायांना मोठी चालना मिळेल.
संशोधन क्षेत्रात मिळवलेल्या या अभूतपूर्व यशाबद्दल श्रीनिवास विद्यापीठाने डॉ. संध्या शेणॉय यांचं अभिनंदन केलं आहे. विद्यापीठाचे कुलपती डॉ. सी.ए.ए. राघवेंद्र राव आणि डॉ. ए. श्रीनिवास राव यांनी त्यांचं आंतरराष्ट्रीय यश व साहित्य विज्ञानातील महत्त्वपूर्ण योगदानाबद्दल कौतुक केलं. या आंतरराष्ट्रीय मान्यतेमुळे विद्यापीठालाही मोठा लौकिक प्राप्त झाला आहे.
Web Summary : Dr. Sandhya Shenoy, from Srinivas University, secured a spot for the third consecutive year among the world's top 2% scientists. Her research focuses on thermoelectric materials, converting waste heat into electricity, boosting sustainable energy solutions. Srinivas University congratulated her achievement.
Web Summary : श्रीनिवास विश्वविद्यालय की डॉ. संध्या शेणॉय ने लगातार तीसरे वर्ष विश्व के शीर्ष 2% वैज्ञानिकों में स्थान पाया। उनका शोध थर्मोइलेक्ट्रिक सामग्रियों पर केंद्रित है, जो बेकार गर्मी को बिजली में बदलकर टिकाऊ ऊर्जा समाधानों को बढ़ावा देता है। श्रीनिवास विश्वविद्यालय ने उनकी उपलब्धि पर बधाई दी।