हल्ली कमी वयातही अनेकांना गुडघेदुखीचा त्रास जाणवू लागला आहे. जिने चढताना त्रास होणे, बराच वेळ बसल्यानंतर उठताना वेदना होणे, चालताना गुडघ्यांमधून आवाज येणे किंवा सूज जाणवणे अशी लक्षणे अनेकांमध्ये दिसतात. (Why knee pain keep increasing day by day? these are some general reasons and remedies )सततची धावपळ, चुकीची जीवनशैली, वाढते वजन किंवा शरीरातील काही पोषक घटकांची कमतरता यामुळे हा त्रास वाढू शकतो. सुरुवातीला साधा वाटणारा त्रास दुर्लक्षित केल्यास पुढे वाढू शकतो.
गुडघेदुखीमागे कॅल्शियमची कमतरता हे एक सामान्य कारण मानले जाते. शरीरातील हाडे मजबूत ठेवण्यासाठी कॅल्शियम महत्त्वाचे असते. त्याची कमतरता असल्यास हाडे कमकुवत होऊ शकतात आणि सांध्यांमध्ये वेदना जाणवू शकतात. व्हिटामिन डीची कमतरताही यामागे कारणीभूत ठरू शकते. शरीराला कॅल्शियम योग्य प्रकारे शोषण्यासाठी व्हिटामिन डी आवश्यक असते. त्यामुळे काही लोकांना हाडदुखी, स्नायू कमकुवत वाटणे किंवा गुडघ्यात त्रास जाणवू शकतो.
वाढते वजनही गुडघ्यांवर अतिरिक्त ताण टाकते. त्यामुळे चालताना किंवा जिने चढताना वेदना वाढू शकतात. सतत एकाच जागी बसून काम करणे, व्यायामाचा अभाव किंवा चुकीच्या पद्धतीने बसणे यामुळेही गुडघ्यांच्या समस्या वाढण्याची शक्यता असते.
गुडघेदुखी कमी करण्यासाठी काही सोपे उपाय उपयोगी ठरू शकतात. नियमित हलका व्यायाम आणि चालणे यामुळे सांधे लवचिक राहण्यास मदत होऊ शकते. मात्र खूप जोराचा व्यायाम अचानक सुरू करणे टाळावे. काही लोकांना कोमट पाण्याने शेक दिल्याने आराम मिळतो. त्यामुळे स्नायूंचा ताण कमी होण्यास मदत होऊ शकते.
आहारात दूध, दही, ताक, तीळ, बदाम, हिरव्या पालेभाज्या यांचा समावेश केल्यास कॅल्शियम मिळण्यास मदत होऊ शकते. सकाळच्या कोवळ्या उन्हात काही वेळ बसल्यास शरीराला नैसर्गिकरीत्या व्हिटामिन डी मिळू शकते. तसेच पुरेसे पाणी पिणे आणि वजन नियंत्रणात ठेवणेही महत्त्वाचे ठरते.
जास्त वेळ एकाच स्थितीत बसणे टाळावे. सतत खुर्चीत बसून काम करणाऱ्यांनी मधे मधे थोडे चालणे किंवा पाय हलवणे गरजेचे असते. चुकीच्या चपला किंवा खूप उंच टाचेच्या सँडल्स वापरल्यानेही गुडघ्यांवर ताण येऊ शकतो.
गुडघेदुखी सतत जाणवत असेल, सूज वाढत असेल किंवा चालताना खूप त्रास होत असेल तर डॉक्टरांचा सल्ला घेणे महत्त्वाचे आहे. कारण प्रत्येक वेदनेमागचे कारण वेगळे असू शकते. योग्य काळजी, संतुलित आहार आणि नियमित हालचाल यामुळे गुडघे निरोगी ठेवण्यास मदत होऊ शकते.
Web Summary : Knee pain is increasingly common, even at younger ages. Causes include lifestyle, weight, and deficiencies. Remedies involve exercise, diet with calcium and Vitamin D, and maintaining a healthy weight. Seek medical advice for persistent pain.
Web Summary : घुटनों का दर्द आजकल कम उम्र में भी आम है। इसके कारणों में जीवनशैली, वजन और पोषक तत्वों की कमी शामिल हैं। व्यायाम, कैल्शियम और विटामिन डी युक्त आहार, और स्वस्थ वजन बनाए रखना इसके उपाय हैं। लगातार दर्द होने पर डॉक्टर से सलाह लें।