गायीचे तूप हे प्राचीन काळापासून आरोग्य आणि सौंदर्यासाठी उत्तम मानले जाते. हलका सुगंध, मऊपणा आणि शरीरात सहज पचण्याची क्षमता यामुळे तूप केवळ अन्नासाठीच नव्हे तर त्वचेसाठीही अत्यंत उपयोगी ठरते. (Use cow ghee daily in cold weather - a spoonful of ghee will cure all skin problems, no expensive products, just home remedies)विशेषतः कोरड्या, रापलेल्या किंवा निस्तेज त्वचेला तूप एक नैसर्गिक ओलावा परत मिळवून देणारा घटक मानला जातो.
कोरड्या त्वचेवर गायीचे तूप लावल्यास त्वचेतील आर्द्रता दीर्घकाळ टिकून राहते. तुपाच्या स्निग्ध गुणधर्मामुळे त्वचेच्या वरचे कोरडे थर मऊ होतात आणि ताण जाणवत नाही. हिवाळ्यात ओठ फुटणे, गाल कोरडे होणे किंवा हात-पाय रापणे अशा समस्यांवर हे तूप उत्तमरीत्या कार्य करते. तूप त्वचेच्या पेशींना शांत करते, त्वचेला येणारी खाज कमी करते आणि नैसर्गिक चमक पुन्हा आणते. संवेदनशील त्वचेलाही हे तूप एकदम मस्त ठरते. कारण त्यात कोणतेही कडक रसायन नसते. विकतपेक्षा घरी केलेले गायीचे तूप म्हणजे शंभर टक्के शुद्ध असते. त्यामुळे घरीच करा. पोळीसोबत खायचे. भातावर घ्यायचे. चवीला आवडत नसेल तर त्वचेला थेट लावणे हा उत्तम पर्याय आहे.
गायीच्या तुपात जीवनसत्त्व ए, इ, डी आणि के२ यांसारखी महत्त्वाची पोषणद्रव्ये मुबलक प्रमाणात असतात. ही जीवनसत्वे त्वचेच्या दुरुस्तीसाठी, कोलाजेन उत्पादनासाठी आणि पेशींच्या पुनर्निर्मितीसाठी आवश्यक असतात. तुपातील ओमेगा–३ आणि ओमेगा–९ फॅटी अॅसिडस् त्वचेला आतून पोषण देतात, ज्यामुळे त्वचा मऊ, तजेलदार आणि निरोगी दिसते. त्याचबरोबर तुपात असलेले अँटी ऑक्सिडंट्स त्वचेवर होणारे प्रदूषणाचे आणि सूर्यकिरणांचे दुष्परिणाम कमी करण्यात मदत करतात.
आरोग्याच्या दृष्टीनेही गायीचे तूप अगदी मौल्यवान आहे. योग्य प्रमाणात घेतल्यास तूप पचनशक्ती सुधारते, मन शांत ठेवते आणि शरीराला स्थिर ऊर्जा देते. आयुर्वेदात तर तुपाला 'सर्वोत्तम स्निग्ध' मानले गेले असून मेंदूच्या आरोग्यासाठीही ते उपयुक्त असल्याचे सांगितले जाते. एकूणच, गायीचे तूप हे त्वचेला नैसर्गिक ओलावा देणारे, पोषक तत्वांनी भरलेले आणि आरोग्यासाठी गुणकारी असे सर्वगुणसंपन्न अन्न-उपचार मानले जाते. कोरड्या त्वचेसाठी तर ते खऱ्या अर्थाने नैसर्गिक वरदानच आहे.