बऱ्याचदा असं होतं की आपल्याला काही ना काही त्रास होत असतो. पण तो नेमका कशामुळे होत आहे, हे आपल्या लक्षात येत नाही. त्यामुळे योग्य ते उपाय करता येत नसल्याने आपण कित्येक दुखणी अंगावर काढतो. आमवात हा त्यापैकीच एक. जेव्हा शरीरातल्या न पचलेल्या अन्नाचा रस आणि वात या दोन्ही गोष्टी एकत्र येतात, तेव्हा तो आमवातचं दुखणं सुरू होतं.. हा त्रास हल्ली बऱ्याच लोकांना होतो आहे. याची लक्षणं कोणती (symptoms of Rheumatoid and arthritis) आणि आमवाताचा त्रास होऊ नये म्हणून काय उपाय करायचा ते पाहूया.(ayurvedic remedies for Rheumatoid and arthritis)
आमवाताची लक्षणं कोणती?
१. सकाळी झोपेतून उठल्यानंतर बोटांची पेरं दुखणं, त्यांची हालचाल सहज पद्धतीने न होणं.
२. सकाळी उठल्यानंतर काही वेळ सांध्यांची हालचाल करणं कठीण होणे.
रात्रीच्या जेवणासाठी करा कोकोनट राईस, उन्हाळ्यात पोटाला गारवा देणारा पदार्थ- करायलाही अगदी सोपा
३. सगळं शरीरच आखडून गेल्यासारखं वाटणे आणि हाडं दुखणे.
४. थंड, ढगाळ वातावरणात अंगावर सूज येणे आणि सांधे जास्तच दुखणे.
आमवाताचा त्रास कमी करण्यासाठी उपाय
१. आमवाताचा त्रास कमी करण्यासाठी एरंडेल तेल म्हणजेच कॅस्टर ऑईल खूप उपयुक्त ठरतं.
एरंडेल तेल तुम्ही पोटातूनही घेऊ शकता किंवा मग जे सांधे दुखत आहेत त्यांच्यावर बाहेरून लावून त्यांना मसाज करू शकता. हा उपाय काही दिवस नियमितपणे करून पाहा आणि त्याच्या जोडीलाच पुढे सांगितलेला एक उपायही करा..
२. आमवात कमी करण्यासाठी सुंठ देखील अतिशय उपयुक्त ठरते. सुंठीचा काढा करण्यासाठी २ कप पाणी घ्या. त्यामध्ये १ चमचा सुंठ पावडर घालून ते पाणी उकळवा.
थायरॉईडचा त्रास? ५ पदार्थ चुकूनही खाऊ नका, दुखणं वाढेल- आहारात करा थोडासा बदल
पाणी उकळून अर्धे झाल्यानंतर हा काढा प्या. या काढ्यामध्येच एरंडेल तेल घालून प्यायल्यास अधिक उत्तम. ही माहिती आयुर्वेदिक डॉक्टरांनी ayurveda.lifestyle.hub या इंस्टाग्राम पेजवर शेअर केली आहे.