आपल्यापैकी बरेच जण असे आहेत ज्यांना रात्री लवकर झोपच येत नाही. दिवसभर त्यांनी खूप काम केलेलं असतं. शारिरीक थकवा जसा आलेला असतो तसाच मानसिक थकवाही आलेला असतो. लवकर झोप लागली तर आराम होईल, थोडं रिलॅक्स होईल असं त्यांना वाटत असतं. पण तरीही रात्री झोप काही लागत नाही. मध्यरात्र उलटून गेल्यानंतर कधीतरी डोळा लागतो, पण शांत झोप होत नाही. याचा परिणाम मग दुसऱ्या दिवशीच्या कामावरही होतोच. शिवाय असंच जर रोज होत असेल तर त्यामुळे आरोग्यावरही वाईट परिणाम होतात. म्हणूनच रात्री पुरेशी आणि शांत झोप होणं खूप गरजेचं आहे (home hacks for sound sleep in night). त्यासाठी नेमकं काय करायचं ते पाहा...(how to get rid of sleepless nights?)
रात्री शांत झोप होण्यासाठी काय करावं?
रात्री शांत झोप होण्यासाठी काय उपाय करता येईल याविषयीची माहिती अभिनेती माधवी नेमकरने सोशल मीडियावर शेअर केली आहे. यामध्ये ती म्हणते की रात्री झोपण्याच्या आधी फक्त १० मिनिटे हा उपाय करा. यासाठी बेडवर पाठ टेकवून झोपा.
गुलाबाच्या रोपावर बारीक किडे, मुंग्या दिसतात? पानांनाही छिद्रं पडली? ४ उपाय- रोप पुन्हा जोमात वाढेल
पण असं करताना तुमची मान बेडच्या खाली झुकली पाहिजे. तिने हा उपाय सोफ्यावर करून दाखवला असला तरी आपण बेडवर झोपूनही हा उपाय करू शकतो. यामुळे मेंदूला योग्य प्रमाणात रक्तपुरवठा होईल. त्याचा परिणाम म्हणजे तुम्हाला लवकर आणि शांत झोप लागेल. काही दिवस हा उपाय नियमितपणे करून पाहा. खूप चांगला परिणाम दिसून येईल, असं माधवी सांगते.
हे उपायही करून पाहा..
१. रात्रीच्या वेळी मोबाईलपासून दूर राहा. झोपण्याच्या १ तास आधी टीव्ही, मोबाईल, लॅपटॉप अशी कोणतीही स्क्रिन पाहू नका. त्याऐवजी एखादं शांत पुस्तक वाचा.
२. ज्या लोकांना निद्रानाशाचा त्रास असतो, त्यांनी संध्याकाळी ६ नंतर चहा, कॉफी घेणं टाळायला हवं. कारण त्यामुळे एन्झायटी वाढते आणि त्याचा झोपेवर परिणाम होतो.
३. रात्री झोपण्यापुर्वी हळद आणि जायफळ घालून दूध घेतलं तरी त्याचा झोपेवर खूप चांगला परिणाम दिसून येतो.