बऱ्याचदा असं होतं की आपलं आपल्या खाण्याकडे अजिबात लक्ष नसतं. बाहेरचं चटकमटक अन्न खाण्याच्या नादात आपण त्याची पौष्टिकता पाहातच नाही. त्यामुळे मग शरीरात अनेक पौष्टिक घटकांची कमतरता निर्माण होते. बहुतांश शाकाहारी लोकांमध्ये तर व्हिटॅमिन बी १२, कॅल्शियम आणि व्हिटॅमिन डी ३ या घटकांची कमतरता असतेच. त्यामुळे मग आरोग्याच्या कित्येक वेगवेगळ्या तक्रारी डोकं वर काढू लागतात. ही कमतरता भरून काढण्यासाठी अगदी साधे- सोपे घरगुती उपायही करता येतात. ते नेमके कोणते ते पाहूया..(How to get rid of vitamin b12, vitamin d3 and calcium deficiency?)
Vitamin B12, D3 आणि कॅल्शियमची कमतरता भरून काढण्यासाठी उपाय
शरीरातली व्हिटॅमिन बी १२, डी ३ आणि कॅल्शियमची कमतरता भरून काढण्यासाठी काय उपाय करता येऊ शकतात, याविषयीची माहिती आयुर्वेद अभ्यासकांनी adarshayurvedicpharmacy या इंस्टाग्राम पेजवर शेअर केली आहे. यामध्ये त्यांनी एकूण ३ उपाय सुचविले आहेत.
आठवडाभरात २- ३ किलो वजन उतरेल, रामदेव बाबा सांगतात खास उपाय- वजन घटून व्हाल फिट
१. व्हिटॅमिन डी ३ जर शरीरात कमी प्रमाणात असेल तर ते वाढविण्यासाठी गायीचं तूप खूप उपयुक्त ठरतं. यासाठी १ चमचा गायीचं तूप, १ चमचा तिळाचं तेल आणि ८ चमचे मध एकत्र करा. हे मिश्रण सकाळी किंवा संध्याकाळी एकेक चमचा ग्लासभर दुधासोबत घ्या. व्हिटॅमिन डी ३ ची कमतरता दूर होईल.
२. कॅल्शियमची कमतरता असेल तर ती भरून काढण्यासाठी चुना खूप उपयुक्त ठरतो. हा उपाय करण्यासाठी चुटकीभर चुना दुधासोबत किंवा दह्यासोबत घ्या. किंवा चुना लावलेलं विड्याचं पान रोज खा. विड्याच्या पानातून कॅल्शियम तर मिळतेच, पण त्यासोबतच इतरही कित्येक पौष्टिक घटक मिळतात.
३. जर तुमच्या शरीरात व्हिटॅमिन बी १२ ची कमतरता असेल तर एक वाटी ताजं दही घ्या. त्यावर थोडा गरम भात किंवा गरम पोळी ठेवा आणि हे दोन्ही ८ ते १० तास झाकून ठेवा. त्यानंतर ते खा. शरीरातलं व्हिटॅमिन बी १२ वाढण्यास मदत होईल.
Web Summary : Address vitamin deficiencies with these easy home remedies: ghee for vitamin D3, lime with milk for calcium, and yogurt with rice for vitamin B12, as suggested by Ayurveda experts.
Web Summary : विटामिन की कमी को दूर करने के लिए आसान घरेलू उपाय: विटामिन डी3 के लिए घी, कैल्शियम के लिए दूध के साथ चूना और विटामिन बी12 के लिए दही और चावल, जैसा कि आयुर्वेद विशेषज्ञों ने सुझाव दिया है।