बहुतांश घरांंमध्ये दिवाळीच्या २ ते ३ दिवस आधीच फराळाचे पदार्थ केले जातात किंवा विकत मागवले जातात. दिवाळीच्या दिवसांत आपण ते अगदी भरपेट खातो. त्यामुळे नंतर ते पदार्थ खाण्याची इच्छा होत नाही. कित्येक जणांना तर ते सहनही होत नाहीत. अशातच नातेवाईक, मित्रमंडळी यांच्याकडूनही फराळ येतोच. त्यामुळे घरात शेव, चिवडा, चकली असे खूप पदार्थ जमा होतात. अशावेळी त्यांचं काय करावं हे कळत नाही. यासाठीच या काही खास कुकींग टिप्स.. तुमच्या घरीही शेव, चिवडा, चकली असे पदार्थ खूप उरले असतील तर त्यांच्यापासून तुम्ही पुढील काही रेसिपी ट्राय करू शकता.(what to do with the leftover chivda, shev and chakali from Diwali faral)
उरलेल्या शेव, चिकडा, चकलीपासून होणारे चटपटीत पदार्थ
१. वेगवेगळ्या प्रकारच्या शेव तसेच पाेह्याचा चिवडा, मुरमुऱ्याचा चिवडा, मक्याचा चिवडा असे सगळे चिवड्यांचे प्रकार एका मोठ्या भांड्यात एकत्र करा. त्यात चकल्यांचे बारीक तुकडे करून घाला.
कमी वयात केस पांढरे आणि पातळ झाले? बघा उपाय- केसांच्या सगळ्याच तक्रारी संपून जातील
शेव हाताने थोडी कुस्करून घ्या. आता यामध्ये बारीक चिरलेला कांदा, टोमॅटो, कोथिंबीर घाला. सगळं एकदा छान हलवून घ्या. चटपटीत भेळ झाली तयार. संध्याकाळी स्नॅक्स म्हणून खायला हा पदार्थ मस्त आहे.
२. तुमच्याकडे जेवढे असतील तेवढे सगळ्या प्रकारचे चिवडा, शेव आणि चकल्या एकत्र करा. मिक्सरमध्ये घालून त्यांची बारीक पावडर करून घ्या. आता त्यामध्ये थोडी कणिक आणि थोडं ज्वारीचं पीठ घाला.
Split Hair: केस कोरडे पडून टोकाला दुभंगले? ग्लिसरीनमध्ये २ गोष्टी मिसळून केसांना लावा
चवीनुसार मीठ, तिखट, कांदा, टोमॅटो, कोथिंबीर असं सगळं घालून पाणी घालून हे पीठ मळून घ्या. त्याचे छान चवदार थालीपीठ करता येईल. किंवा थालीपिठाऐवजी तुम्ही हे पीठ जर आणखी पातळ भिजवलं तर त्याचे मस्त धिरडे करून खाता येतील.