घोसाळे ही एक भाजी. त्या भाजीची प्रांतानुसार कित्येक वेगवेगळी नावं आहेत. काही ठिकाणी ते गिलके म्हणून ओळखले जातात, तर काही ठिकाणी त्यांना चोपडी दोडकी म्हणतात. त्यांचे बाहेरचे आवरण गुळगुळीत असल्याने चोपडी दोडकी असं नाव पडलं असावं. पण नाव काहीही असलं तरी भाजीसाठी किंवा भजी करण्यासाठी ते प्रामुख्याने ओळखले जातात. आता आपण त्याच घोसाळ्यांचा ठेचा किंवा चटणी कशी करायची ते पाहुया. कारण घोसाळ्याची भाजी केली की अनेकजण नाक मुरडतात. अगदी ताटातही ती घेत नाहीत. असे लोक घोसाळ्याचा चटकदार ठेचा मात्र आवडीने खाऊ शकतील (how to make ghosalyacha thecha?). म्हणूनच बघा चवीत बदल घडवून आणणारी ही खास रेसिपी..(ghosalyacha thecha recipe)
घोसाळ्याचा ठेचा रेसिपी
साहित्य
१ मध्यम आकाराचे घोसाळे
७ ते ८ हिरव्या मिरच्या आणि ५ ते ६ लसूण पाकळ्या
फोडणीसाठी तेल, मोहरी, जिरे, हिंग आणि १ टीस्पून तीळ
घरच्या भाज्यांना हॉटेलसारखी चव हवी? ५ सोप्या टिप्स- हॉटेलपेक्षाही चटकदार भाज्या करा घरीच
एका लिंबाचा रस आणि चवीनुसार मीठ
२ टेबलस्पून शेंगदाण्याचा कूट आणि बारीक चिरलेली कोथिंबीर
कृती
सगळ्यात आधी घोसाळ्यांची सालं काढून टाका आणि त्याचे काप करून घ्या.
आता घोसाळ्याचे काप, हिरव्या मिरच्यांचे तुकडे, लसूण मिक्सरच्या भांड्यात घालून बारीक करून घ्या. हे खूप बारीक करू नये. थोडं जाडं- भरडं राहू द्यावं.
यानंतर गॅसवर कढई गरम करायला ठेवा. त्यात तेल घाला. तेल गरम झाल्यानंतर जिरे, मोहरी, हिंग, तीळ घालून फोडणी करून घ्या. यानंतर त्यात मिक्सरमधून काढलेलं घोसाळं घाला. त्या दाण्याचा कूट, मीठ घालून सगळं व्यवस्थित परतून घ्या.
तेल सुटेपर्यंत हा ठेचा परतून झाला की गॅस बंद करा. भाकरी, पोळीसोबत घोसाळ्याचा ठेचा किंवा चटणी छान लागते. ही रेसिपी stylishachari या इंस्टाग्राम पेजवर शेअर करण्यात आली आहे.