दूध आणणे आणि ते गरम करणे, उकळवणे ही अगदी दररोज प्रत्येक घरामध्ये होणारी एक अगदी सामान्य बाब. आता दूध गरम होत असताना किंवा उकळत असताना ते पळीने ढवळून घेतलं किंवा नाही घेतलं तरी काय फरक पडणार किंवा मग ते डावीकडून उजवीकडे किंवा उजवीकडून डावीकडे म्हणजेच क्लॉकवाईज किंवा ॲण्टी क्लॉकवाईज दिशेने फिरवल्यास असं त्यात काय वेगळं होणार असा प्रश्न तुम्हालाही पडत असेल तर ही माहिती वाचायलाच हवी (Correct Method of Stirring Milk According to Charak Sanhita).. दूध क्लॉकवाईज फिरवल्याने काय होतं आणि ॲण्टी क्लॉकवाईज दिशेने फिरवल्यास काय होतं, आपल्या तब्येतीला त्यापैकी कोणतं जास्त मानवणारं आहे, हे पाहा...(benefits of stirring milk in clockwise or anticlockwise direction)
दूध गरम होत असताना ते क्लॉकवाईज दिशेने फिरवावं की ॲण्टीक्लॉकवाईज?
दूध गरम होत असताना ते नेमकं कोणत्या दिशेने ढवळून घेतलं पाहिजे याविषयी माहिती सांगणारा व्हिडिओ nabhisutra and mygrannysays या इंस्टाग्राम पेजवर शेअर करण्यात आला आहे. यामध्ये असं सांगितलं आहे की दूध तापवताना त्यातून पळी गोलाकार फिरवल्यास त्याचे गुणधर्म प्रत्येकवेळी बदलत जातात.
हरितालिकेच्या उपवासासाठी करा टम्म फुगून हलके झालेले खमंग इंस्टंट अप्पे- पचायलाही सोपे
जर तुम्ही उजव्या बाजुने म्हणजेच क्लॉकवाईज पद्धतीने दूध ढवळलं तर त्याचा घट्टपणा वाढतो. वजन वाढण्यासाठी ते मदत करतं. त्यामुळे लहान मुलांना, बाळंतिणीला किंवा आजारातून उठलेल्या अशक्त व्यक्तीला असं दूध देणं फायदेशीर ठरतं.
जर गरम होणारं दूध डाव्याबाजुने म्हणजेच Anticlockwise दिशेने फिरवलं तर ते पचायला हलकं होत जातं. असं दूध प्यायल्यास कफ दोष वाढत नाही. जे लोक संध्याकाळी किंवा रात्री झोपण्यापुर्वी दूध घेतात त्यांनी शक्यतो या पद्धतीचं दूध घ्यावं.
डायबिटीस: कारल्याचा, भोपळ्याचा ज्यूस पिऊन कंटाळलात? ५ चवदार भाज्या खा, शुगर राहील कंट्रोलमध्ये..
मॉडर्न सायन्सनुसारही असं सांगण्यात आलं आहे की दूध तापवताना ते कोणत्यातरी एकाच दिशेने फिरवावं. जेणेकरून त्याच्यातल्या प्रोटीन्सचा आणि पौष्टिक घटकांचा पुरेपूर लाभ शरीराला होतो. केशर, जायफळ घालून दूध उकळवत असाल तर ते उजव्या बाजूने ढवळा. यामुळे मन शांत होऊन चांगली झोप येते. तर दालचिनी, आलं घालून दूध गरम करताना ते डाव्याबाजूनने ढवळावं. यामुळे पचनक्रिया चांगली होते.