थंडीच्या दिवसातही लिंबूपाणी प्यावं का? पाहा कुणी प्यायलं तर होतात फायदे, कोण पडतं आजारीच..

Lemon Water in Winter : मुळात थंडीच्या दिवसात लिंबूपाणी पिणं टाळायला हवं की नाही हे अनेकांना माहीत नसतं. तेच आज आपण समजून घेणार आहोत. 

Lemon Water Benefits: लिंबू हे एक असं फळ आहे जे पदार्थाना टेस्ट देण्यासोबतच आरोग्याला सुद्धा अनेक फायदे देतं. जास्तीत जास्त लोक उन्हाळ्यात भरपूर लिंबूपाणी पितात, कारण याचे शरीराला अनेक फायदे मिळतात. याने शरीराला एनर्जी मिळते आणि डिहायड्रेशनही दूर होतं. लिंबामध्ये भरपूर व्हिटामिन सी असतं. ज्यामुळे इम्यूनिटी बूस्ट होते. पण साधारणपणे असं पाहिलं जातं की, हिवाळ्यात मात्र बरेच लोक लिंबूपाणी पिणं टाळतात. कारण अनेकांना लिंबू आंबट असल्यानं खोकला किंवा सर्दी होण्याची भिती असते. पण मुळात थंडीच्या दिवसात लिंबूपाणी पिणं टाळायला हवं की नाही हे अनेकांना माहीत नसतं. तेच आज आपण समजून घेणार आहोत. 

लिंबूपाणी पिण्याचे फायदे

‘जर्नल ऑफ न्यूट्रिशन’मध्ये प्रकाशित संशोधनानुसार लिंबूपाणी शरीरासाठी फायदेशीर आहे. जर्नल ऑफ गॅस्ट्रोएंटरोलॉजी अँड हेपेटोलॉजी 2020 मधील एका अभ्यासात सांगण्यात आलं आहे की, लिंबामध्ये व्हिटामिन C भरपूर प्रमाणात असतं. व्हिटामिन C एक शक्तिशाली अँटी-ऑक्सिडंट आहे. हे रोगप्रतिकार शक्ती मजबूत करतं व व्हाइट ब्लड सेल्सची निर्मिती वाढवतं, जे शरीराला इन्फेक्शनपासून वाचवतात.

हिवाळ्यात लिंबूपाणी पिऊ शकता का? 

संशोधन हे सांगतं की, हिवाळ्यातही लिंबूपाणी पिणं शरीरासाठी भरपूर फायदेशीर आहे. सकाळी कोमट पाण्यात लिंबू मिसळून प्यायल्याचे शरीराला अनेक फायदे मिळतात. जसे की,  शरीरातील टॉक्सिन्स बाहेर पडतात, पचनक्रिया सुधारते, दिवसभरासाठी ऊर्जा मिळते, हिवाळ्यात मंदावलेला मेटाबॉलिझम सुधारतो इत्यादी.
‘जर्नल ऑफ न्यूट्रिशन’च्या संशोधनात असे आढळले आहे की ज्या पेयांमध्ये सिट्रिक अ‍ॅसिड जास्त आणि हायड्रेशन चांगले असते, ते ड्रिंक मेटाबॉलिक रेट वाढवू शकतात, भूख नियंत्रित ठेवू शकतात आणि वजन नियंत्रणात मदत करू शकतात.

गरम पाण्यात लिंबाचा रस घालून प्यायल्यानं मेटाबॉलिझम अधिक बूस्ट होतं. लिंबातील सिट्रिक अ‍ॅसिड शरीरातील विशेषतः पोटाभोवतीची चरबी कमी करण्यास मदत करतं. जेवण झाल्यावर प्यायल्यास अधिक फायदा मिळतो. हिवाळ्यात लिंबाचा रस कोमट पाण्यात मिसळून घेतल्यास कोणतीही अडचण येत नाही आणि शरीराला फायदे मिळतात. 

लिंबूपाणी कुणी पिऊ नये?

खालील लोकांनी लिंबूपाणी टाळावे:

ज्यांना ॲसिडिटी किंवा गॅस्ट्रिक समस्या आहेत, पोटातील अल्सर असलेले, लो ब्लड प्रेशर असणारे लोक, ज्यांना सिट्रस फळांची अ‍ॅलर्जी आहे आणि तसेच दातांच्या संवेदनशीलतेच्या समस्या असलेल्या लोकांनी लिंबूपाणी पिणं टाळायला हवे.