कोरडी त्वचा दिसायला खराब असतेच पण त्याचा कायमस्वरुपी परिणाम होतो. त्वचेचा पोत खराब होतो. चेहर्‍यावर ताण जाणवणे, रुक्षपणा, पापुद्रे निघणे आणि लहान रेषा दिसू लागणे ही कोरड्या त्वचेची सामान्य लक्षणे आहेत. अशावेळी त्वचेला घटकद्रव्यांनी भरलेला नैसर्गिक ओलावा देणाऱ्या गोष्टींची गरज असते. त्यात अनेक घटक येतात. (Moisturize dry skin in the cold - These 4 kitchen ingredients will keep your skin beautiful, soft and supple)त्यापैकी एक महत्त्वाचा घटक म्हणजे फेस पॅक नियमित वापरणे. घरीच छान सोपे फेसपॅक तयार करुन लावल्याने त्वचेचा पोत मऊ, तजेलदार आणि शांत होतो. घरात सहज मिळणारे काही साधे पदार्थही त्वचेला खोलवर हायड्रेशन देतात आणि त्वचेचा थकवा दूर करतात.
घरात नेहमी असणारे दही हे त्यातलं सर्वोत्तम उदाहरण. दही त्वचेवर लावल्यानंतर त्यातील लॅक्टिक अॅसिड कोरडेपणा कमी करते आणि त्वचा मखमली वाटते. अगदी हलका थंडावा मिळाल्यामुळे लालसरपणा व चुरचुरीही कमी होते. त्याचबरोबर दह्याचा नैसर्गिक ओलावा दिवसभर टिकतो आणि चेहऱ्याला स्वच्छ, शांत लूक मिळतो.
दुसरा अत्यंत उपयुक्त घटक म्हणजे मध. मधामध्ये नैसर्गिक ह्यूमेक्टंट गुणधर्म असतात म्हणजेच तो त्वचेतील ओलावा धरुन ठेवतो आणि ती दीर्घकाळ मऊ राहते. चेहऱ्यावर लावल्यावर मध त्वचेवर एक हलकी पण पोषणदायी लेयर तयार करतो आणि कोरडेपणामुळे होणारी प्रक्रिया थांबवतो. विशेषतः थंडीच्या दिवसांत मधाचा फेस पॅक त्वचेला संरक्षण देतो.
अळशीचे बी म्हणजेच जवस हा आणखी एक उत्तम पर्याय. जवस भिजवल्यावर तयार होणारा जेल थेट त्वचेला लावला तर तो नैसर्गिक हायड्रेटर म्हणून काम करतो. हे जेल त्वचेच्या वरच्या थराला मऊ करते आणि ताण जाणवत नाही. त्यात असलेले ओमेगा फॅटी अॅसिड त्वचेची काळजी घेतात आणि ती अधिक टवटवीत दिसते.
चंदन हेही कोरड्या त्वचेसाठी अत्यंत हितकारक आहे. चंदनाचा लेप लावल्याने त्वचा शांत होते आणि तिचा पोत सुंदर होतो. त्वचेला ओलावा देण्याबरोबरच चंदन हलका सुगंध देऊन ताजेपणाही प्रदान करते. दिवसभर उन्हात किंवा धुळीत फिरल्यानंतर चंदनाचा पॅक चेहऱ्यावर अप्रतिम आराम देतो.
अशा कोणत्याही पॅकचा वापर करताना महागडी किंवा भरपूर प्रमाणात सामग्री लागण्याची गरज नाही. घरी असणारे हे साधे पदार्थ त्वचेचा कोरडेपणा कमी करुन तिला मऊ, स्वच्छ आणि आरामदायी ठेवतात. नियमित वापर केल्यास त्वचा केवळ ओलसरच नाही तर अधिक उजळ आणि निरोगी दिसते.
Web Summary : Combat winter dryness with kitchen staples. Yogurt, honey, flaxseed, and sandalwood hydrate, soothe, and rejuvenate skin. Regular use ensures a soft, radiant complexion.
Web Summary : सर्दियों में रूखी त्वचा से निपटने के लिए रसोई के सामान का उपयोग करें। दही, शहद, अलसी और चंदन त्वचा को हाइड्रेट, शांत और पुनर्जीवित करते हैं। नियमित उपयोग से त्वचा मुलायम और चमकदार बनती है।