Skin Care In Winter : थंडीला आता काही दिवसांमध्येच सुरूवात होईल. हे तर सगळ्यांनाच माहीत आहे की, जसा वातावरणात बदल होतो, तसा आपल्या तब्येतीवर आणि त्वचेवरही प्रभाव बघायला मिळतो. थंडीची चाहूल लागताच या ऋतूत त्वचेच्या वेगवेगळ्या समस्या डोकं वर वाढतात. त्वचा कोरडी पडणे, खाज सुटणे, ओठ फाटणे आणि चेहऱ्यावर जळजळ होणे हे सर्व हिवाळ्यात सामान्य होतं. अशात त्वचा हेल्दी आणि मॉइश्चराइज्ड ठेवण्यासाठी घरच्या घरी तयार केलेले काही उटणे अत्यंत उपयोगी ठरतात.
मुल्तानी मातीचं उटणं
त्वचेसाठी मुल्तानी माती फारच फायदेशीर मानली जाते. या दिवसात चेहऱ्यावर साबण लावण्याऐवजी मुल्तानी मातीचं उटणे लावू शकता. हे उटणे तयार करण्यासाठी थोडी मुल्तानी माती घ्या. त्यात थोडं ऑलिव्ह ऑइल आणि गुलाबजल टाका. नंतर हे उटणे चेहऱ्यावर, मानेवर आणि हाता-पायांना लावा. अर्ध्या तासाने चेहरा आणि हात-पाय कोमट पाण्याने धुवा. तुम्ही आंघोळही करू शकता. याने त्वचेचा कोरडेपणा दूर होऊन त्वचा मुलायम होईल.
मसूरच्या डाळीचे उटणे
मसूरच्या डाळीचे उटणे तयार करण्यासाठी दोन-तीन चमचे मसूरची डाळ बारीक करा. आता यात अर्धा कप दूध टाकून एक तासासाठी तसंच राहू द्या. डाळ फुगल्यावर ती मिक्सरमधून बारीक करा. ही पेस्ट ३० मिनिटांसाठी चेहऱ्यावर लावून ठेवा. याने त्वचा मुलायम होईल आणि त्वचेचा ड्रायनेसही दूर होईल.
संत्र्याच्या सालीचे उटणे
संत्री खाऊन त्याची साल फेकू नका. कारण याने तुमचं सौंदर्य खुलवण्यात फायदा होतो. संत्र्याची साल वाळवा. त्यानंतर त्याची पावडर तयार करा. या पावडरमध्ये थोडं मध टाका. ही पेस्ट चेहऱ्यावर लावून काही मिनिटे तशीच राहू द्या. नंतर कोमट पाण्याने चेहरा धुवा. हिवाळ्यात त्वचेवर डाग दिसणार नाही आणि चेहरा उजळलेला दिसेल.
Web Summary : Winter brings dry skin. Use homemade 'utane' with Multani mitti, masoor dal, or orange peel. These natural remedies moisturize and brighten skin, combating dryness and dullness effectively.
Web Summary : सर्दियों में त्वचा रूखी हो जाती है। मुल्तानी मिट्टी, मसूर दाल या संतरे के छिलके से बने घरेलू 'उबटन' का प्रयोग करें। ये प्राकृतिक उपाय त्वचा को नमीयुक्त और चमकदार बनाते हैं, रूखेपन और बेजानपन से प्रभावी ढंग से लड़ते हैं।