>ब्यूटी > मेकअपचं साहित्य, कॉस्मेटिक्स यांनाही एक्सपायरी डेट असते हे माहिती आहे का?

मेकअपचं साहित्य, कॉस्मेटिक्स यांनाही एक्सपायरी डेट असते हे माहिती आहे का?

Beauty Tips : लॉकडाऊनमुळे मेकअपच्या सामानाला आराम दिलाय? आवडते ब्युटी प्रोडक्टस खराब होऊ नये म्हणून वापरा 'या' टिप्स

By ऑनलाइन लोकमत | Published: April 13, 2021 03:39 PM2021-04-13T15:39:55+5:302021-04-13T17:40:37+5:30

Beauty Tips : लॉकडाऊनमुळे मेकअपच्या सामानाला आराम दिलाय? आवडते ब्युटी प्रोडक्टस खराब होऊ नये म्हणून वापरा 'या' टिप्स

know the makeup products and cosmetics side effects and way of use properly | मेकअपचं साहित्य, कॉस्मेटिक्स यांनाही एक्सपायरी डेट असते हे माहिती आहे का?

मेकअपचं साहित्य, कॉस्मेटिक्स यांनाही एक्सपायरी डेट असते हे माहिती आहे का?

Next

-मनाली बागुल

 

'घरूनच काम करतेय ना, मग मेकअप कशाला.' ऐरवी ही शेड लावू की ती, याचा बराचवेळ विचार करणारे आपण आता लॉकडाऊनमुळे मेकअपच्या साहित्याला विसरून गेलोय. जणू काही आपण घरात आणि लिपस्टीक, काजळ त्यांच्या पाऊचमध्ये लॉकडाऊन झाले आहेत. गेल्या वर्षभरापासून बाहेर येणं जाणं कमी झाल्यामुळे सगळ्यांनीच सणासुदीला सोडलं तर फार कमी प्रमाणात मेकअपचा वापर केला. पण तुम्हाला माहीत आहे का, जास्त दिवस न वापरता कॉस्मेटिक तसेच ठेवले तर त्यांच्या दर्जावर परिणाम होतो. मुख्य म्हणजे या प्रॉडक्ट्सनाही एक्सपायरी डेट असू शकते.  आता तुम्ही म्हणाल, घराबाहेर पडायचं नसेल तर घरच्याघरी मेकअपचं साहित्य वापरायचं का? तर तसं नाही, जरी तुम्ही रोज या गोष्टींचा वापर केला नाही तरी तुम्ही त्या नीट सांभाळून तर नक्कीच ठेवू शकता.

तुमची आवडती लिपस्टीक, फाऊंडेशन, मस्कारा, काजळ या वस्तू जास्तीत जास्त दिवस चांगल्या कशा ठेवता येतील, आणि त्याचा तुमच्या त्वचेला त्रास न होता, उलट त्वचेला लाभ होईल यााबाबत आम्ही तुम्हाला सांगणार आहोत. होतं काय की,  अनेकदा आपण मेकअपचं साहित्य व्यवस्थित ठेवलं जात नाही त्यामुळे या गोष्टी एक एक करून खराब व्हायला सुरूवात होते. खराब प्रॉडक्ट्स वापरल्यानं अनेकदा त्वचेवरही त्याचा विपरीत परिणाम होऊ शकतो.

मग काय करता येईल..

१) सगळ्यात आधी मेकअपचं साहित्य वेगळं करा. त्यानुसार तुम्हाला पाऊच किंवा पेटी बनवता येईल. रोज लागणाऱ्या साहित्यामध्ये , लिपस्टीक, काजळ, लायनर असे साहित्य असू शकते. या सामानाला फार जागा लागणार नाही. त्यामुळे सगळ्यात आधी तुम्हाला काय काय रोज लागतं ते वेगळं ठेवून द्या.

२) अनेकदा आपल्याला खूप ऑपशन्स असतात त्यावेळी नेमकं काय वापरायचं हेच कळत नाही. अशावेळी जे प्रॉडक्ट लवकर जुने होणार आहेत. ते आधी वापरायला घ्या. तुमच्या रोजच्या मेकअप किटमध्ये ते प्रॉडक्ट असू द्या. जेणेकरून तुम्ही याचा रोज वापर कराल आणि नुकसानही होणार नाही.

३) जर तुम्ही कॉलेज, ऑफिस किंवा बाहेर पडताना मेकअपच्या दोन-तीन वस्तू कॅरी करत असाल तर मिनीएचर प्रोडक्टची म्हणजेच लहान आकाराच्या प्रॉडक्ट्सची निवड करा आणि असे प्रॉडक्ट्स बाजूला काढून ठेवा. कमीत कमी जागेत तुम्ही आरामात या वस्तू कुठेही नेऊ शकता.

४) लिपस्टीक, काजळ उघडताना किंवा बंद करताना व्यवस्थित काळजी घ्या. अनेकदा लिपस्टीकचा अर्धा भाग वर असतानाच झाकण लावलं जातं त्यामुळे प्रॉडक्ट तर खराब तर होतातच. पण अशा वस्तू तुम्ही जास्तवेळ वापरूसुद्धा शकत नाही.

५) आयलायनर, फाऊंडेशन, नेलपेंट अशा वस्तू वापर झाल्यानंतर व्यवस्थित आणि स्वच्छ जागेवर घट्ट झाकण लावून ठेवा. काहीवेळा झाकणं सैल असल्यामुळे प्रॉडक्ट्सच्या आत हवा जाते. परिणामी कमी वेळातच ते खराब होतात आणि वापरण्यायोग्य राहत नाहीत.

खूप दिवसांनी मेकअपचं साहित्य वापरल्यास त्वचेवर कसा परिणाम होतो?.

त्वचा हा आपल्या शरीराचा सगळ्यात नाजूक भाग आहे. त्यामुळे मॉईश्चराइजर, लिपस्टीक असो किंवा अन्य उत्पादनं बरेच दिवस तसेच ठेवल्यानंतर त्वचेवर अप्लाय करताना त्याचे काही साईड इफेक्ट्स तर होणार नाही ना, असा विचार सगळ्यांच्याच मनात येतो. याबाबत त्वचा आणि सौंदर्यं उत्पादन तज्ज्ञ डॉ. केतकी गोगटे यांनी लोकमतशी बोलताना सांगितले की, '' सौंदर्यं प्रसाधनं अनेक दिवस वापरात नसताना पुन्हा वापरल्यास फारसा दुष्परिणाम दिसून येत नाही. कारण अलिकडे प्रत्येक कंपन्यांमधून ॲनिमल टेस्टिंगसारख्या वेगवेगळ्या चाचणी प्रकिया पूर्ण करूनच उत्पादन विक्रीस काढली जातात. मात्र तरीही शक्यतो ब्रॅण्डेड आणि एक्सपायरी डेट पाहूनच उत्पादनांचा वापर केला जावा. अगदीच दोन- तीन वर्ष जुनं एखादं ब्यूटी प्रॉडक्ट्स तुम्ही वापरत असाल तर सौम्य एलर्जीप्रमाणे साईड इफेक्ट्सचा धोका उद्भवू शकतो.''

Web Title: know the makeup products and cosmetics side effects and way of use properly

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

संबंधित बातम्या

चेहऱ्यावर डाग, मुरुम आहेत? त्वचा विकार झालेत? - मग मानसोपचारतज्ज्ञाकडे जा.. - Marathi News | black spots or pimples on the face? Skin problems? - Then go to a psychiatrist. new british study. | Latest sakhi News at Lokmat.com

सखी :चेहऱ्यावर डाग, मुरुम आहेत? त्वचा विकार झालेत? - मग मानसोपचारतज्ज्ञाकडे जा..

त्वचाविकारांसाठी कोणी मानसोपचारतज्ज्ञांकडे गेल्याचं तुम्ही कधी ऐकलं आहे का? पण ब्रिटिश स्कीन फाऊण्डेशननं (बीएसएफ) नुकत्याच केलेल्या संशोधनानुसार हे सिद्ध केलं आहे, की त्वचाविकारांसाठी इतर योग्य उपचारांसह मानसोपचारतज्ज्ञाचेही उपचार घेतले तर त्वचेवर चा ...

कुरतडलेली, वाकडीतिकडी, घाणेरडी नखं अनेक ‘सिक्रेट्स’ सांगतात, Healthy नखांसाठी खास टिप्स! - Marathi News | healthy nails are beautiful nails, how to make them healthy, nail art is not enough for nail health | Latest sakhi News at Lokmat.com

सखी :कुरतडलेली, वाकडीतिकडी, घाणेरडी नखं अनेक ‘सिक्रेट्स’ सांगतात, Healthy नखांसाठी खास टिप्स!

कितीही लपवलं, चेहऱ्याला कितीही मेकअपने सजवलं तरी आपले हात , आपली नखं सांगतातआपलं व्यक्तिमत्व कसं आहे . ...

तिची फिगर भारी आहे, आपणच कसे गबाळे ? -असा प्रश्न पडतो, त्याचं हे उत्तर - Marathi News | what to do for great figure and beautiful look? try this.. | Latest sakhi News at Lokmat.com

सखी :तिची फिगर भारी आहे, आपणच कसे गबाळे ? -असा प्रश्न पडतो, त्याचं हे उत्तर

आपला कम्फर्ट, आत्मविश्वास आणि फिटनेस वाढवायचा. मग फिगरच नाही आपणच सुंदर दिसायला लागतो. ...

चेहरा टवटवीत रहावा म्हणून घरच्या घरी करण्याचे ७ उपाय - Marathi News | 7 home remedies to keep your face fresh in corona lockdown | Latest sakhi News at Lokmat.com

सखी :चेहरा टवटवीत रहावा म्हणून घरच्या घरी करण्याचे ७ उपाय

चेहऱ्याला पाणी लावून तरी काय उपयोग , घरातच तर आहोत, कुणाला दाखवायचे आहे, असं म्हणालात तर तोटा तुमचाच. ...

झूम मिटिंग्ज ते इन्स्टा क्लिक मेकअपची गरज काय, फक्त या ३ गोष्टी तुमचा LOOK बदलू शकतात. TRY IT.. - Marathi News | makeup, only these 3 things can change your LOOK. TRY IT .. | Latest sakhi News at Lokmat.com

सखी :झूम मिटिंग्ज ते इन्स्टा क्लिक मेकअपची गरज काय, फक्त या ३ गोष्टी तुमचा LOOK बदलू शकतात. TRY IT..

घरच्याघरी झूम मिटिंग्ज ते फेस टाइम ते इन्स्टा क्लिक सगळ्यांसाठी आपण तयारी असावं म्हणून ३ छोट्या गोष्टी. ...

एक डार्क कलरची लिपस्टिक तुमच्याविषयी बरंच काही सांगते.. - Marathi News | A dark lipstick & your personality test | Latest sakhi News at Lokmat.com

सखी :एक डार्क कलरची लिपस्टिक तुमच्याविषयी बरंच काही सांगते..

आपण फारच ब्राइट कलर लावला का? पुसू का? कोण काय म्हणेल? बरं दिसेल का? असं वाटून पुसलेल्या लिपस्टिकची गोष्ट. ...