बॉलिवूड अभिनेत्री दीपिका पादुकोण ही तिच्या अभिनयासोबतच सौंदर्यामुळे देखील ओळखली जाते. तिची चमकणारी त्वचा, घनदाट रेशमी केस हे अनेकांसाठी आकर्षणाचा केंद्र आहेत.(Deepika Padukone morning drink recipe) अनेकदा आपल्याला असं वाटतं की या सौंदर्यामागे महागड्या स्किन ट्रीटमेंट्स किंवा मेकअप असेल पण तिने तिच्या अनेक पॉडकास्ट किंवा मुलाखतीत सांगितलं की आपण काय खातो, आपला आहार कसा असावा हे देखील महत्त्वाचे आहे. ती बाह्य सौंदर्यापेक्षा आतील आरोग्यावर अधिक लक्ष केंद्रित करते. (Deepika Padukone hair care tips)
दीपिका तिच्या दिवसाची सुरुवात एका खास मॅजिक ज्यूसने करते, जो नैसर्गिक घटकांपासून बनवलेला आहे. यात असणारे घटक शरीराला डिटॉक्स करत नाही, तर रक्तातील अशुद्धी दूर करुन त्वचेवर नैसर्गिक ग्लो येतो.(Natural glowing skin drink at home) जर आपण सलग ९० दिवस या ज्यूसचे सेवन केले, तर आपली त्वचा सोन्यासारखी चमकेल आणि केसांचा पोतही सुधारेल.
हा मॅजिक ज्यूस कसा बनवायचा?
कोथिंबीर - अर्धी वाटी
पुदीना - मूठभर
कडुलिंबाची पाने - ४ ते ५
कढीपत्त्याची पाने - १० ते १२
बीट - अर्धा
कृती
सगळ्यात आधी सर्व पाने आणि बीट स्वच्छ धुवून घ्या. मिक्सरच्या भांड्यात थोडे पाणी घालून हे सर्व घटक बारीक वाटून घ्या. तयार झालेली पेस्ट मलमलच्या कापडाने किंवा गाळणीने गाळून घ्या. रोज सकाळी रिकाम्या पोटी हा ज्यूस पिणे सगळ्यात जास्त फायदेशीर ठरते. चवीसाठी यात थोडे लिंबू किंवा सैंधव मीठ टाकू शकता.
कोथिंबीर रक्तातील विषारी घटक बाहेर काढण्यास मदत करते, तर पुदीना पचनशक्ती सुधारते. कडुनिंब हे उत्तम ब्लड प्युरिफायर आहे. रक्तातील अशुद्धीमुळे होणारे त्वचेचे विकार दूर करण्यासाठी कडुनिंबाची ४-५ पाने या ज्यूसमध्ये टाकणे खूप फायदेशीर ठरते. केसांच्या आरोग्यासाठी कढीपत्ता फायदेशीर आहे. यात असलेले बीटा-कॅरोटीन आणि प्रथिने केस गळती रोखतात आणि केसांना मुळापासून मजबूत व रेशमी बनवतात. बीटमुळे शरीरातील हिमोग्लोबिनचे प्रमाण वाढते. यामुळे गालांवर नैसर्गिक गुलाबी छटा येते आणि चेहऱ्याचा काळपटपणा दूर होतो.